Futbol tarixiga muhrlangan retrosuratlar. 4-QISM. (+10 foto)

ECHL. 1998/99 yilgi mavsum. Final. “Manchester Yunayted” – “Bavariya” – 2:1.

“Kamp Nou”dagi drama! Ser Aleks Fergyuson zaxiradan tushirgan birinchi futbolchisi Teddi SHeringem hakam tomonidan qo'shib berilgan ilk daqiqada Oliver Kan darvozasini ishg'ol qilib, hisobni (1:1) tenglashtiradi. Keyin esa uchrashuvning 81-daqiqasida Endi Koul o'rniga maydonga tushgan Ole Gunnar Sulsher so'nggi soniyalarda gol urib, “qizil iblislar”ga Evropa chempionligini taqdim etadi.

SHotlandiya chempionati. 2002/03 yilgi mavsum. 

“Reynjers” bilan musobaqa g'olibligini nishonlayotgan SHota Arveladze. 

2004-yil. 17 yoshgacha futbolchilar o'rtasidagi Evropa chempionati. Final. Franciya – Ispaniya – 2:1.

Karim Benzema, Hatem Ben Arfa hamda Samir Nasri bosh sovrin bilan.

APL. 2003/04 yilgi mavsum. 

"Arsenal" musobaqa tarixida mavsumni mag'lubiyatsiz yakunlagan ilk klub sifatida oltin kubok sohibiga aylanadi. “To'pchilar” chempionatda o'tkazilgan 38 turning 26tasida g'alaba qozonib, 12 marta raqiblar bilan murosa yo'lini tanlagan edi. 

2009-yil. O'rtoqlik uchrashuvi. “Barselona” – “Bunyodkor” – 1:1. 

Gollarni Karles Puyol va Server Jeparov urgan.

Evro-2004. Guruh bosqichi. Gollandiya – CHexiya – 2:3.

Ushbu bahsda o'z hisobiga gol yozib qo'ygan Pavel Nedved (chapda), Yan Koller (o'ngda) hamda musobaqada 5ta gol bilan to'purar bo'lgan Milan Barosh.

ECHL. 1997/98 yilgi mavsum. Guruh bosqichi, “Barselona” – “Dinamo K” – 0:4. 

Mazkur kechada kievliklar safida xet-trik qayd etib, porlagan Andrey SHevchenko. 

ECHL. 2012/13 yilgi mavsum. Yarim final. “Borussiya D” – “Real” – 4:1. 

“Arilar”ning oltin avlodi. Levandovski uchrashuvda “qirollik klubi” darvozasiga poker yozib qo'ygandi. 

1985-yil. 

“Roma” yarimhimoyachisi – Karlo Anchelotti. U rimliklar safida 1979-1987-yillar oralig'ida harakat qilgan. Keyinchalik “Milan”ga o'tib, futbolchilik faoliyatini yakunlagan. 

2003/04 yilgi mavsum. CSKAning jamoaviy fotosurati. 

Pastki qator chapdan birinchi o'tirgan futbolchini tanidingizmi? 

+Bonus

1905/06 yilgi mavsum. 

“CHelsi” darvozaboni Uilyam Fulk. Futbol tarixidagi eng og'ir vaznli posbonlardan biri. Uning og'irligi 150 kg atrofini tashkil qilgan. 

Akmurzaev Eldor tayyorladi.

Futbol tarixiga muhrlangan retrosuratlar. 1-QISM. 

Futbol tarixiga muhrlangan retrosuratlar. 2-QISM. 

Futbol tarixiga muhrlangan retrosuratlar. 3-QISM.