Futbol o'ynashni o'rganaman. O'yinoldi mashg'ulotlar

Ruknimizning ilk sonida qaysi maydonlarda qanday tishli butsalar kiyish haqida malum bergan edik. Bu safar do'stlaringiz bilan futbol uchrashuvidan oldin o'yinoldi mashg'ulotlar borasida maslahatlar beramiz.

O'YINOLDI MASHG'ULOTLAR

Vaqtingiz juda ko'p bo'lmasada baribir mashg'ulotdan voz kechmaslik kerak. Sovuq mushaklarni jarohatlash oson va bir necha daqiqa tejab qolishga urinishingiz haftalab shikastlanishni davolashga olib kelishi mumkin.

Mashg'ulotni boshlashdan oldin biroz yugurib oling, bu yuragingizni tezroq urishiga majbur qiladi, haroratingiz ko'tariladi. Bor kuch bilan yugurish kerak emas, biroz terlab olishning o'zi etarli.

Tanani qizdirishni tepadan boshlang. Avvaliga bo'yin mushaklari, keyin elka va qo'l, keyin bel, son va oyoq mushaklarini mashqlar bilan ishlang.

Bu mashg'ulotlarni birinchi bajarishda biroz engilroq va sekinroq qiling. Asosiysi shoshilmaslik. Birdaniga tanani qiynash ham jarohat keltirib chiqaradi. Asta-sekinlik bilan tanangizning egiluvchanligini oshirish lozim. Paylarni sekin cho'zing.

Ilk mashg'ulotlarni yakunlagan bo'lsangiz ushbu mashqlarni qaytadan bajaring, ammo bu safar biroz kuch bilan. Mashg'ulot payti yodingizda bo'lsin, tanangiz futbol o'yini paytida bundanda qiyinroq harakatlarni bajaradi. Mashg'ulotlar yakunlandi, o'zingizni ancha tetik his qilyapsizmi? Unday bo'lsa o'z jamoangizga qo'shilib, fantastik gollarni kiritishni boshlang va ularni chiroyli nishonlashni ham unutmang.

Ruknimizning butsalarga oid sonini o'qimagan bo'lsangiz, buni hoziroq amalga oshiring. SHunchaki mana shu so'zlar ustiga bosing.