Frank Riberi: "Oltin to'p", Messi va Ronaldo - siyosat, bu noto'g'ri

Men 2013 yili juda ranjigandim. "Oltin to'p" taqdiri har yili ikki futbolchi o'rtasida kechmoqda. Bilmadim, jahonning eng yaxshi futbolchisi uchun beriladigan sovrinni yutish uchun yana nimalar qilish zarur ekan. Bu yili shu ko'rindiki, Jahon chempionatidagi muvaffaqiyat ham yordam berolmas ekan. 2006 yili Fabio Kannavaro mundialda zo'r o'ynab, yakunda "Oltin to'p" sohibiga aylangandi.
So'nggi 2-3 yil ichida Manuel Noyer jahonning eng kuchli posboni bo'lmoqda. Noyer o'tgan yili "Bavariya" bilan chempionlikni va Kubokda g'oliblikni qo'lga kiritdi, Jahon chempionatida fantastik qatnashdi va chempion bo'ldi. Biroq bu ham uning "Oltin to'p" ega chiqishi uchun kamlik qildi. Men umuman tushunmayapman. Agarda kelasi safar ham "Bavariya" futbolchisi nomzodlar orasida bo'lsa, yaxshisi taqdirlash marosimiga bormasligi kerak. U erga borib nima qiladi, rasm tushadimi? Yo'q, kerak emas.

"Oltin to'p"ni Messi va Ronaldo olaveradi. Bu siyosatga aylanib ulgurgan.
Agarda "Oltin to'p"ga nomzodlar orasida Messi va Ronaldo bo'lsa, unda uchinchi futbolchi bu sovrinni unutaverishi kerak.