Franciya FF mutassaddilari O'FAda seminar o'tkazishdi
15 mar 2018 19:41
Yangiliklar

Franciya FF mutassaddilari O'FAda seminar o'tkazishdi

Teglar : Franciya FF O'FA Kenni Jan Mari

Avval xabar berganimizdek, kecha Franciya futbol federaciyasi Prezidenti mahkamasi boshlig'i Janob Kenni Jan Mari va Texnik direktor o'rinbosari Lyudovik Debryu yurtimizga tashrif buyurishdi.

Milliy olimpiya qo'mitasida franciyalik yuqori martabali mehmonlarni Milliy olimpiya qo'mitasi prezidenti, O'FA 1-vice-prezidenti Umid Ahmadjonov va Jismoniy tarbiya va sport vaziri SHoakrom Isroilov qabul qilishdi va fikr almashishdi.

Bugun Kenni Jan Mari va Lyudovik Debryu “Bunyodkor”, “Paxtakor” va “Lokomotiv” klublari bilan yaqindan tanishishdi. Ularga FIFAning Mintaqaviy futbolni rivojlantirish menejeri Essam Al-Suhibbaniy hamrohlik qildi.

Kunning ikkinchi yarmida Kenni Jan Mari va Lyudovik Debryu O'zbekiston futbol associaciyasida marketing yo'nalishi bo'yicha seminar o'tkazishdi. Seminarda Superliga klublarida marketing yo'nalishida faoliyat yuritayotgan mutaxasisslar ishtirok etishdi.

Kenni Jan Mari va Lyudovik Debryu futbolni rivojlantirishning francuzcha modeli haqida batafsil tushuntirish berishdi.

Seminar davomida yig'ilganlar o'zlarini qiziqtirgan savollar bilan mutaxassislarga murojaat qilishdi va tegishli javoblar olishdi.