Fotomaqola. Yagona gol o'yin taqdirini hal etdi

Uchrashuvda tezkor gol kiritilganidan so'ng ko'pchilik bugun "Lokomotiv" yirik hisobda g'alaba qozonsa kerak deb o'ylagan bo'lsa neajab...

SHu kuni Koryan o'zidan kutilgan o'yinni namoyish etib bera olmadi. Koryanda hisobni oshirish uchun bir qator imkoniyatlar yuzaga kelgandi...

Hujumchi sifatida tanilgan Temurxo'ja Abduxoliqov "Lokomotiv"da asosan vinger rolida harakat qilmoqda

"Qizilqum" darvozaboni Erkin Jabborov uchun o'yinning dastlabki 20 daqiqasi katta bosim ostida o'tdi. Qolgan daqiqalarda uning darvozasi oldida deyarli keskin hujumlar kuzatilmadi.

"Qizilqum" standart vaziyatlari orqali "Lokomotiv" darvozasi oldida xavfli vaziyatlar sodir etib turdi. Lekin golga tortadigan vaziyatlar ularda deyarli yuzaga kelmadi...

Ikrom Aliboev ko'p mehnat qildi. Biroq futbolchi o'zidan kutilgan o'yinni namoyish qilib bera olmadi. Vadim Abramov ham uchrashuvdan keyin o'rta chiziq vakillarining o'yinidan ko'ngli to'lmaganini takidlab o'tgani ham bejiz emas...

"Lokomotiv"ning muxlislaridan ham ko'ra ularning muxlisalari tobora ko'payib bormoqda. Bizning stadionlarimizda ham xotin-qizlar tashrifi asta-sekin ortib boryapti...

Koryan birinchi bo'limning o'zida ikkita gol kiritib dublni rasmiylashtirishi mumkin edi. Biroq futbolchi to'pni to'rga "tiqib" qo'ya olmadi...

Zaxirada qoldirilgan Damir Koyashevich hamda Marat Bikmaev ikkinchi taymda maydonga tushishdi. Lekin ularning maydonga paydo bo'lishi ham "Lokomotiv"ni o'yinini kuchaytirib yubora olmadi...

Uchrashuvda yagona maqtovga loyiq bo'lgan futbolchi bu Jasur Hasanov bo'ldi. Aynan uning yagona goli "temiryo'lchilar"ga muhim uch ochkoni keltirdi

Zaxiradan maydonga tushgan Marat Bikmaevda gol urish uchun imkoniyat yuzaga kelgandi. Ammo uning bosh bilan yo'llagan zarbasiga aniqlik etishmadi. Bu esa tabiiyki unga yoqmadi...

Uchrashuvning to'liq fotogalereyasini quyida tomosha qilishingiz mumkin.

SHahboz Beg'amov