Fotomaqola: "Manchester Siti" egasi Toshkentdan uch ochko oldi

Jamoa bosh murabbiyi, klubda ichki muammolar bor ekanligini aytib o'tdi. Aftidan 3 yil ichida ikkita chempionlikni qo'lga kiritgan bu "yosh"larga endi O'zbekistonda o'ynashni qizig'i qolmagan. Marra zabt etilgan ko'rinadi, faqat ular uchun zabt etilgan. MTJ doirasida hali sariq chaqalik ish qilinmagan. Agar bu klub libosini moddiy tomondan o'lchayotgan bo'lsalar, marhamat qilib uni almashtirsinlar. Bu jamoaning nomiga dog' tushiradiganlar, uni pul bilan o'lchaydiganlar avval atrofga qarasinlar, qaerga bormasin, ularni futbolchi sifatida emas, "Paxtakor" azosi sifatida kutib oladilar. Undan ko'ra ikki xissa ishlab, Qosimov, Jeparov, Ahmedov kabi futbolchilarga o'xshab ketmaysanmi, shunda terma jamoaga ham nafing tegadi degilaring kelib ketadi. Buning uchun avvalo o'ynash kerak, pul keyin o'zi keladi. 

Bu jamoada esa pul bilan muammo yo'q. Suratda o'rtada o'tirgan kishi "Manchestr Siti" egasi Mansur ibn Zayd al-Naxayyanning tug'ishgan ukasi. Istasa, "Al Ayn"ni Osiyoning eng kuchli jamoasiga aylantira oladi. Ammo ular uchun BAA chempionati muhim, avval ham aytganimizdek, BAA jamoalari istasalar guruhda peshqadamlikni qiyinchiliksiz qo'lga kiritadilar.

"Bunyodkor"da bo'lgani kabi, "Paxtakor"dagi legionerlarning raqiblarnikiga solishtirganda farq katta. Stoxning kechagi goli o'ylangan va o'lchalgan edi.

Bu  hakam bir yiqilib tushganidan keyin o'zgardi qoldi. Birinchi bo'limda juda ko'plab vaziyatlarni beetibor qoldirgan OCHLning eng yosh hakami, ikkinchi bo'limda "Paxtakor" foydasiga ko'plab qarorlarni chiqardi. Stox esa zaxira hakamini haqorat qilganligi uchun maydondan chetlatildi.

O'yindan keyin bu murabbiyga saytimiz nomidan rahmat aytdik. Avvalo tarkibni teng ikkiga bo'lgan holda ham OCHL, ham BAA ligasida birinchi o'rinda ketyapti. Undan keyin, kecha bizni hayratga solgani, "Al Ayn" futbolchilari hisobda oldinga borayotgan bo'lsalarda, biron marotaba o'yinni cho'zishga harakat qilmadilar. Aynan shuning uchun biz unga rahmat aytdik va keyingi o'yinlarda ham shunday harakat qilishlarini tiladik. O'z navbatida murabbiy, bunday etirof uchun rahmat aytgan holda, bunday ishlar katta klublarga yarashmasligini qo'shimcha qildi.