Fotofakt! Andijonlik futbolchilar o'yindan keyin yig'lashdi

Xotira turnirining 3-o'rin uchun kechgan bahsida Bekobodning “Metallurg” hamda Andijon viloyati futbol maktabi tarbiyalanuvchilari o'zaro bahs olib borishdi. O'yinda bekobodliklar 3:0 hisobida zafar quchishdi.

Bosh hakam final hushtagini chalgach, andijonlik yosh futbolchilar mag'lubiyat alamiga chiday olmay yig'lab yuborishdi. Men shuncha payt kattalar futbolida yurib, oliy va birinchi liga o'yinchilarining mag'lubiyatdan so'ng yig'lashganini ko'rmaganman.

Ammo bolalar futbolida hamma narsa bo'lishi mumkin. Bolalar - beg'ubor, ular hamma ishni yurakdan bajarishadi. SHuning uchun ham bolalarni asrashimiz kerak. Yig'layotgan futbolchilarni futbolimiz faxriysi To'lagan Isoqov ovutishga urindi. Lekin bunaqa paytda bolalarni jim qilib bo'larmidi.

X.Xoliqov.