Flik: “0:2 dan keyin "uyg'ondik" va 60 daqiqa maydonda to'liq ustunlik qildik”
07 mar 2021 09:18
Yangiliklar

Flik: “0:2 dan keyin "uyg'ondik" va 60 daqiqa maydonda to'liq ustunlik qildik”

Teglar : Borussiya D Bavariya Bundesliga Xans-Diter Flik

“Bavariya” bosh murabbiyi Xans-Diter Flik Bundesliga 24-turi doirasida “Borussiya” (Dortmund) ustidan qozonilgan g'alaba haqida gapirdi.

Eslatib o'tamiz, mazkur bellashuvda myunxenliklar tezkor ikkita gol o'tkazib yuborishlariga qaramay, yakunda raqibni ikki to'p farqi bilan dog'da qoldirishdi -4:2.

“Ayni paytda raqiblarimiz imkon bo'ldi deguncha, albatta bizning darvozaga gol urishmoqda.

Biz hisob 0:2 ga o'zgargach, “uyg'ondik” va bizdan shunchaki ochko olib bo'lmasligini ko'rsatib qo'ydik. Hisobdan kelib chiqib ham biz g'alabaga loyiq ekanligimizni aytish mumkin. Qolaversa, 60 daqiqa vaqt davomida maydonda raqibdan to'liq ustunlik qila oldik”, dedi Flik.

“Bavariya” ayni paytda Bundesliga turnir jadvalida 55 ochko to'plab peshqadamlik qilmoqda. “Borussiya” (D) esa 39 ochko bilan oltinchi pog'onani egallab turibdi.

Havola :

Manba : Spox

Yangiliklarni Telegramda o'qing!

Reyting: +4