So’nggi yangiliklar

12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  5 11:56Тимур Кападзе Паулу Бенту ҳақида фикр билдирди  16 11:44Карлуш Кейруш: "Бир неча йил аввал Ўзбекистон футболи "уйқу"да эди"  6 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  5 10:53Довбик А Сериянинг бошқа жамоасига ўтишга яқин  3 10:28Хави Симонс фаолиятини АПЛда давом эттиради (Фабрицио Романо)  4 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7 08:30"Ньюкасл" Исакни "Ливерпул"га сотишга рози бўлди  2 08:02Sofascore. Кечаги учрашувда Шомуродов ва Файзуллаев неча баҳога лойиқ кўрилди?  46 07:28Аморим энг ёмон натижани қайд этмоқда  5 01:51Расман: Оле-Гуннар Сульшер истеъфога чиқарилди  2 01:30Отабек Боймуродов: "Ҳар бир рақиб учун алоҳида тайёрланамиз"  5

Figu, Neymar, Dembele va Koutino. Bular hech qachon Messi bo'la olmaydigan yigitlar Yangiliklar

Figu, Neymar, Dembele va Koutino. Bular hech qachon Messi bo'la olmaydigan yigitlar

“Barselona” hiyonatkorlar girdobida qoladimi? Kataloniyaning “Barselona” klubi Filippe Koutino bilan besh yillik shartnoma imzoladi. U yaxshi futbolchi, kataloniyaliklar o'yiniga ijobiy tus qo'sha oladigan figura.

Ayni damda “Barselona” bilan bog'liq uch yirik transfer va undagi bazi o'xshashliklar haqida fikr almashmoqchiman. Bunda siz ham o'z fikringizni yozib qoldirishingiz mumkin.

Diqqatimni tortayotgan jihat — futbolchilarning inqilobi. Usmon Dembele Dortmund “Borussiya”ni qanday tark etganini ko'rdik. U “Barselona” ishqida yongani uchun ham, o'zining amaldagi jamoasini behurmat qilishdan tap tortmadi. Murabbiy va rahbariyat bilan sen-menga borishi, mashg'ulotlarda ishtirok etmasligi va o'yinlarga bo'lgan munosabatidan bu yaqqol ko'rindi.

“Barselona” — har qanday futbolchi to'p surishni orzu qiladigan klub, bunisiga gap-so'z bo'lishi mumkin emas. Biroq dortmundliklar ham Dembelening bo'yniga arqon tashlab olib kelmagandi, uning uchun pul to'lagan, yaxshi niyatlar qilgan, kelishuvga ko'ra, o'z zimmasidagi shartlarni bajargan. Aytaylik, Usmon Kataloniyaga ketishni istardim, deb aytishi va kelishuv madaniyatiga ko'ra, “Borussiya” uchun borini berishda davom etishi mumkin edi. Agar u “Barselona”ga chindan ham kerak bo'lsa, ispan grandi “Borussiya” rad eta olmaydigan summadan qochmasligi katta ehtimol. 

Koutinoda ham shunday holat kuzatildi. Unda ham inqilobiy chiqishlar bo'ldi. U ham “Barsa” ishqida yashadi va amaldagi klubi haqida o'ylamay qo'ydi. SHularni eslab, Neymar “Barselona”ni qanday tashlab ketgani ko'z oldimdan o'tdi. Sizningcha, bular bir-biriga o'xshash manzaralar emasmi?

Ha, Neymar ortidan Kataloniya klubi katta pul ishladi. O'z navbatida “Barselona” ham Dortmund va Liverpul klublarini rozi qiladigan pulni to'ladi. Ammo gap futbol, erkakcha kelishuv va sadoqat haqida borganida, bu uch yulduzning hech qachon Messi, Totti yoki Jerrard bo'la olmasligini tushunish mumkin. Men ular jamoasida qolishi kerak demoqchimasman, biroq toki transfer amalga oshmaguniga qadar, uning yulduz bo'lishiga sabab klubga tupurib qo'yish ham yaramasa kerak. 

O'z vaqtida Figu “Barselona”ni Neymardan ham yomon ahvolda tashlab ketgandi. Negadir so'nggi vaqtlarda bu klub shu kabi futbolchilar bilan o'ralashib qolayotgandek. Bu bora-bora Messi, Inesta, Xavi kabi sadoqat timsollari bo'lgan futbolchilar o'rnini, qisman suyuqoyoq bo'lgan yigitlar egallashiga sabab bo'lmasa edi. Aytishadi-ku, kimning menga sotib, yonimda nom qozonmoqchi bo'lgan inson, vaqti kelib meni ham kimgadir sotib bermasligiga hech kim kafolat bera olmaydi, deb. 

P.S. Menga Koutino, Dembele va Neymarning o'yini juda yoqadi. Ular etuk futbolchilar. Balki keyingi avlod kim bilandir shartnoma tuzish oldidan, unga orzu jamoasi degan bandni kiritib qo'yishi kerakdir... Masalan, “agar meni “Barselona” so'rab qolsa, fikrimni albatta inobatga olasizlar”, degandek...

Muallif :
Reyting: +37   

Fikrlar

championat.asia
< so’nggi yangiliklarni ko’rish
Яндекс.Метрика