FIFA.uz. Aziz Mirza: "CHempionlik unvonimni munosib himoya qilaman"

Loyihaning birinchi davra g'olibi 6-20 sentyabr kunlari Tailandda bo'lib o'tadigan o'smirlar o'rtasidagi Osiyo chempionatiga borish huquqini qo'lga kiritadi.

"Men o'tgan yili "FIFA.UZ" loyihasida "Bunyodkor" nomi bilan qatnashib, shu nomga munosib tarzda O'zbekiston oliy ligasining oltin medallarini qo'lga kiritgan edim. Bu yil ham o'z nikimni saqlab qolgan holda, chempionlik unvonini munosib himoya qilishga harakat qilaman", - deydi loyihamizning amaldagi g'olibi Aziz Mirza.

"Orada kuchli beshlik chempionatlarida ham qatnashib ko'rdim, ammo muvaffaqiyatga erisha olmadim. Men uchun o'zimizning oliy liga qadrliroq. "FIFA.UZ" loyihasi orqali oliy ligamiz bilan chuqurroq tanishishga harakat qilyapmiz. Bu esa muxlislar o'rtasida axillikni ham uyg'otadi. CHunki mening tarkibimda "Nasaf" yoki "So'g'diyona" jamoalaridan ham futbolchilar bo'ladi va men g'alaba qozonish uchun bu jamoa o'yinlarini ham kuzataman".

Yangi to'rt xizmat haqida, chempion shunday deydi:

- Bu mavsumdan "FIFA.UZ"da yulga qo'yilgan to'rtta yangi xizmat menga yoqdi va hammasini yoqtirib oldim. Endi bemalol bir-birimizni jamoalarimizni ko'rib turamiz.
Bu yilgi mavsumdan oldin, yangi ishtirokchilarga maslahatim, har bir tur oldidan jamoangizda transferlarni iloji boricha dedlaynning oxirgi vaqtiga qadar surib, "championat.asia" saytidagi oliy liga haqidagi malumotlarga tayanib qiling. Masalan, o'sha ozgina vaqtda ham sizga kerakli malumot chiqib qolishi mumkin. Keyin hissiyotlarga berilib, faqat o'zingiz muxlislik kiladigan jamoaning yoki o'yinchining natijalariga ishonib qolmang.

"FIFA.UZ" o'yinini yangi boshlayotgan va o'tgan mavsum biz bilan birga o'ynagan hamma ishtirokchilarga omad yor bo'lsin!

Olg'a oliy liga-2014 !