FIFA: Hakamlarning yoshiga nisbatan cheklov olib tashlandi

SHu paytgacha hakamlar 45 yoshga to'lgach professional faoliyatlarini yakunlashlari shart edi.  FIFA rasmiy saytining xabariga ko'ra, Marokashning Rabot shahrida bo'lib o'tgan Ijroqo'm yig'ilishida hakamlarga 45 yoshga to'lgandan keyin ham ishlashga ruxsat berildi.

Faqat buning uchun ular FIFAning hakamlar Qo'mitasi tomonidan har yili majburiy ravishda tekshiruvdan o'tishlari shart. Tibbiy ko'rik va fitnes-test natijalariga qarab, hakamlarning qo'liga hushtak olish yoki olmasligi malum qilinadi.