FIFA “Evropa Premer-ligasi” turnirini tashkil etmoqchi, MYU va “Liverpul” esa bunga rozi
20 okt 2020 20:15
Yangiliklar

FIFA “Evropa Premer-ligasi” turnirini tashkil etmoqchi, MYU va “Liverpul” esa bunga rozi

Evropaning top chempionatlaridagi grand klublar ishtirokida yangi musobaqa tashkil etish borasida muzokaralar olib borilmoqda.

Sky Sports manbasi bo'yicha, unda qatnashish uchun “Liverpul” va “Manchester Yunayted” rozilik bildirdi.

“Evropa Premer-ligasi” nomi ostida o'tadigan yangi musobaqa 2022 yil mavsum o'rtalarida boshlanib, FIFA nomi ostida o'tishi rejalashtirilgan. Manbaga ko'ra, unda 18 ta klub bo'ladi.

"Barselona", "Atletiko", "Real", "Bavariya", "PSJ", "Yuventus" kabi Angliya, Franciya, Germaniya, Ispaniya va Italiyaning o'nga yaqin klublariga ham musobaqada ishtirok etish borasida taklif yuborilgan.

Turnirda beshta ingliz klubi qatnashishi mumkin. Qayd etilishicha, ushbu masalada “Manchester Siti”, “Tottenxem”, “CHelsi” va “Arsenal” vakillari bilan muhokama qilingan.

Hozirda homiylarni izlash ishlari olib borilmoqda va bu JP Morgan banki bo'lishi kutilmoqda. Evroligani yaratish uchun zarur bo'lgan mablag' esa 6 mlrd evroni tashkil qiladi.

FIFA va UEFA ushbu malumotlarga izoh berishdan bosh tortgani aytilmoqda.

Havola :

Manba : Sky Sports

Yangiliklarni Telegramda o'qing!

Reyting: +11