Fevzi Davletov: "O'yin sifatidan ko'nglim to'ldi, natijadan esa yo'q"

- O'yin haqida

- So'ngi ikki uchrashuvdan kelib chiqsak. Biz ko'proq to'pga egalik qildik. Bugungi raqibimiz chempionat liderlaridan biri edi. Bugungi o'yinimizdan qoniqdim, natijadan esa yo'q.

- Bugun jamoa ko'p vaqt to'pga egalik qilishiga qaramay, raqib darvozasida yaqqol xavfli vaziyat yarata olmadi. Bunga sabab nima? Faqatgina Nimeli o'yinga qo'shilganidan so'ng hujumchilar xavfliroq ko'rinish oldi. Bugun Ulug'bek Hoshimov ham orqada ko'proq o'ynadi.

- Raqib ham yaxshi himoyalandi. "Nasaf" jamoasi qanday darajada ekanligini bilasiz. Raqib biz yo'l qo'ygan xatodan unumli foydalandi, biz esa yo'q. Bizda kichik vaziyatlar bo'ldi. So'ngi ikki uchrashuvni tahlil qilib chiqdik. Bugun esa to'pga ko'proq egalik qildik. Raqib darvozasi tomon paslar orqali kirib bordik. O'tish fazalarida yaxshi harakatlandik. Lekin gol urmadik va mag'lub bo'ldik.

- O'yin so'ngidagi belgilanmagan penalti haqida gapirib o'tsangiz?

- Men vaziyat takrorini hali ko'rmadim. Hakamlarning qarorini tekshiradigan mutasaddilar bor.

- Jamoa bugun ikkinchi bo'limda yaxshi harakatlandi. Hujumlarni yakunlaydigan va o'yin natijasiga tasir o'tkazadigan futbolchi topilmadimi?

- Yigitlar yaxshi harakat qilishdi, ammo raqibning tasiri ham bor. Biz qanotlarda yaxshi harakat qildik. Raqib jarima maydonchasida esa biroz kamchiliklar kuzatildi. Muxlislarimizga rahmat aytaman. "Nasaf" jamoasi Osiyo chempionlar ligasi ishtirokchisi va OCHL finalchisi bilan tengma-teng kurashgan jamoa ekanligini bilamiz.

- "Surxon" jamoasi ikkinchi davradagi uchrashuvlarini o'z o'y stadionida o'tkazishi mumkin degan xabarlar tarqaldi. SHu haqida malumot bera olasizmi?

- To'g'risi xabarim yo'q. Yangilik eshitsam, darrov sizlarga etkazamiz. Matbuot xizmatimiz xabar beradi.

"Surxon" matbuot kotibi

- Ikkinchi davrada Termizga qaytamiz.