Fevzi Davletov: "Birinchi bo'limda o'yinga moslashish qiyin kechdi"

O'yin haqida

- Davralar oralig'idagi tanaffusdan keyin birinchi bo'limda o'yinga moslashish bo'yicha qiyinchiliklarga duch keldik. Uzatmalarda xatolar, vaziyatlarni yakunlashdagi kamchiliklar ko'zga tashlandi. Penaltidan ham foydalana olmadik. Ikkinchi bo'limda barchasi joyiga tushdi, to'p nazorati va aniqlikka etibor qaratdik.  Bu o'yin bizga Superliga uchrashuvlari oldidan yaxshi tayyorgarlik bo'ldi. Yarim finalga chiqqan ekanmiz, bu bizga ishonch va motivaciya beradi. Olg'a intilishda davom etamiz.

- Amalga oshirilgan transferlar haqida fikringiz?

- Biz o'zimiz hohlagan futbolchilar bilan ishlashni maqsad qilganmiz. Bizning ish uslubimizga tushadigan, berilgan ko'rsatmalarni faol bajaradigan futbolchilarni tarkibga jamlashga harakat qildik.

- Bugungi o'yin uchun 10 ballik baholash tizimida nechchi qo'ygan bo'lardingiz?

- 7 yoki 8 ball. CHunki, tanaffusdan qaytib olishda kamchiliklar bo'ladi. Bugungi o'yinda bizda ham xatolar kuzatildi.