Ferdinand: "Menimcha De Xea ketadi"

Ispaniyalik posbon so'nggi bir necha o'yinlarni zaxira o'rindig'ida kuzatmoqda. SHu boisdan uning yozgi transferlar oynasi vaqtida ketishi mumkinligi borasidagi mish-mishlar ko'payib ketdi.

"Ikki variant bor: yoki joying uchun kurashasan, yoki ketasan. Agarda Din Xenderson mavsumni asosiy darvozabon sifatida yakunlasa, de Xea jamoada qolishiga ishonmayman. Menimcha, u ketadi. Bu yo'lda uning maoshi kattaligi ham muhim rol o'ynaydi. Bir jamoada ikki asosiy darvozabon bo'lishi mumkin emas. Bir vaqtlar de Xea birinchi raqamli posbon edi. Endilikda Sulsher barchasini boshqacha ko'rmoqda", - dedi Ferdinand.

"Yunayted" 2011 yilda de Xea bilan shartnoma imzolagandi. Ushbu mavsumda David 29 o'yinda 37 gol o'tkazib yubordi va 10 bahsda darvozasi daxlsizligini saqlab qoldi.