Fayzulla Qambarov: “Keyingi bahslarda ham faqat g'alaba uchun o'ynaymiz”

- O'n uchinchi turning kechiktirilgan uchrashuvida “Lokomotiv” jamoasiga qarshi o'yinda mag'lubiyatga uchragandik, - deydi Fayzulla Qambarov. - Murabbiylarimizning to'g'ri ko'rsatmalari va jamoadoshlarimning astoydil ter to'kkani evaziga bu gal Muborakda g'alabani qo'lga kiritdik. Bugun yuzlab navoiyliklar o'yinimizni stadionning o'zidan turib kuzatishdi. Ularning qo'llab-quvvatlashi bizni yanada ruhlantirdi. Muxlislarimizni yutuq bilan tabriklayman.
Tarkibimizda davralar oralig'ida katta o'zgarishlar yuz berdi. Ko'pchilik “Qizilqum”ning ikkinchi davradagi o'yinlariga umid bilan qaramoqda. Oldinda bir biridan jiddiy raqiblar kutib turibdi.  Keyingi bahslarda ham faqat g'alaba uchun o'ynaymiz.

“Qizilqum” PFK Matbuot xizmati.