Farrux Axunov: "Hozir "Cementchi"da raqobat juda kuchli"
31 jan 2019 21:21
Yangiliklar

Farrux Axunov: "Hozir "Cementchi"da raqobat juda kuchli"

Farg'ona viloyati "Hokim kubogi-2019” musobaqasi “V” guruhi 2-turidan o'rin olgan “Cementchi” – “Lokomotiv U-21” (0:0) uchrashuvidan so'ng quvasoyliklar futbolchisi Farrux Axunov championat.asia saytiga intervyu berdi.

Bugun qiziqarli o'yin bo'ldi. "Lokomotiv" jamoasining yosh tarkibi bizga qarshi juda yaxshi harakat qilishdi. O'z navbatida biz ham bu jamoaga nisbatan jiddiy tayyorgarlik ko'rgan edik. Hisob ochilmagan bo'lsada, bugun muxlislarga yoqadigan qiziqarli uchrashuv bo'ldi deb o'ylayman. Jamoamiz rahbariyatiga, bosh murabbiyimiz Sardor Zokirovga bizni "Hokim kubogi-2019" musobaqasiga olib kelganliklari uchun minnatdorchilik bildiramiz. "Cementchi" jamoasi tarkibiga qo'shilganimdan xursandman, bu jamoa o'z oldiga har doim jiddiy maqsadlar qo'yadi. To'g'risini aytaman, hozir jamoamizda raqobat juda kuchli, kim o'zini ko'rsata olsa, yorqin o'yinlar ko'rsata olsa, o'sha jamoada qoladi.Ushbu musobaqa milliy chempionatlarimizga yanada yaxshiroq tayyorlanishimizga imkon yaratmoqda.

"Hokim kubogi-2019" musobaqasida har bir uchrashuvda g'alaba uchun maydonga tushamiz. Oldinda bizni kuchli raqiblarga qarshi uchrashuvlar kutib turibdi. Barcha tashkilotchilarga minnatdorchilik bildiraman.

Dostonbek Umurzaqov yozib oldi.