Farhod Abdumavlonov: “O'zbek futzal jamoalari ham moliyaviy tomonlama kuchaymoqdalar”

Suhbatning o'zbek tilidagi ko'rinishini sizlar bilan o'rtoqlashishga qaror qildik.

Farhod Abdumavlonov Osiyo futzalida o'ziga xos o'ringa ega. Futbolchi hech qachon qita birinchiligida chempion bo'lmagan. Klub tarkibida ham, terma jamoasi safida ham. U mana uch yildirki Qozog'istonda to'p tepmoqda.

-   Farhod, siz uchun Qozog'iston chempionati nimasi bilan qiziqarli?
-   CHempionatda kuchli klublarning ishtirok etayotgani muxlislarni qiziqtiradi. Jamoalar legionerlar hisobiga kuchli hisoblanadilar. “Qayrat”, “Tulpor”, “Ayat” kabi jamoalarga qarshi o'ynash ajoyib.

-   Moliyaviy tomonlama o'ylab qaraydigan bo'lsak, qaerda to'p tepish yaxshi: Qozog'istondami yoki O'zbekistonda?
-   Bu yildan boshlab o'zbek jamoalari ham moliyaviy tomonlama kuchaymoqdalar. Jamoalarni moliyalashtirish deyarli bir xil. Qozog'istonda ozgina ko'p bo'lishi mumkin.

-   Qaysi chempionatning saviyasi yuqori?
-   Qozog'istonniki. UEFA Kubogi sohibi “Qayrat”ning ishtirok etishiyoq musobaqaning saviyasini ko'rsatib turibdi.

-   O'tgan mavsumda Qozog'istonda ko'p legionerlar ishtirok etdi. Hozirda esa faqat siz. (O'zbek futzalchilari nazarda tutilmoqda).
-   Boshqa yigitlarga ham Qozog'istondan taklif bor edi. Kimgadir jarohati halal berdi. Kimdir o'z yurtida qolishni istadi. Bazilar esa boshqa mamlakatga jo'nab ketdilar. Masalan, SHuhrat Tojiboev Xitoyning “Guanchjou” jamoasi safida to'p tepmoqda. O'ylaymanki, birinchi davra yakunlanganidan so'ng ham bir qancha o'zbek futzalchilarini ko'ramiz.

-   Siz Qozog'istonda ikkita mavsumda 68 ta gol urdingiz. Bu yil esa birinchi turdan keyinoq to'purarlikni qo'lga oldingiz. Nechta gol urishni rejalashtiryapsiz?
-   Har bir o'yinchi o'z oldiga turli hil vazifalar qo'yadi. Kimdir gol urishni istaydi. Har bir o'yin oldidan o'z gollarim bilan jamoamga yordam berishimni Xudodan so'rayman. Buning uchun yana omad ham kerak. Umuman olganda, hech qanday reja yo'q. Muhimi jamoaviy o'yin.

-   Nima uchun aynan CSKAni tanladingiz?
-   O'tgan yillar davomida jamoani ko'rdim va u erda yosh o'yinchilar to'p surishardi. Menga qo'ng'iroq qilib medallar uchun kurashadigan yangi jamoa tuzilayotgani hamda yordam berishimni so'rab qo'ng'iroq qilishdi. Tushunishimcha, jamoaga Mudofaa vaziring shaxsan o'zi muxlislik qiladi. Doim o'z oldiga yuqori maqsadlarni qo'yadigan jamoada to'p surishni istayman. Jamoadagi muhit yaxshi.

-   Toshkentda Qozog'iston terma jamoasi ishtirok etadigan turnir bo'lib o'tar ekan...
-   Ha, futzal milliy terma jamoalari o'rtasida qiziqarli musobaqa bo'lib o'tishi kutilmoqda. O'zbekiston, Qozog'iston va Ozarbayjondan tashqari Belarus terma jamoasiga ham taklif jo'natilgan. Terma jamoa yig'iniga taklif olganman. 25 noyabrda Toshkentga uchib ketaman. Sabrsizlik bilan ushbu o'yinlarni kutyapman.


Aziz To'xtamurodov tarjimasi