Evropa Superligasi. Bu nima o'zi?

Evropa Superligasi bu nima o'zi?

18 aprel, yakshanba kuni Evropaning 12ta klubi yangi musobaqaga asos solinganini elon qilindi. Superligada 20ta klub ishtirok etadi (15ta doimiy ishtirokchi va 5ta o'zgaruvchi klublar). Evropa Superligasi xuddi Evropa CHempionlar ligasiga o'xshash musobaqa bo'ladi.

Qaysi klublar azo?

"Manchester Yunayted", "Liverpul", "Manchester Siti", "Arsenal", "CHelsi", "Tottenxem", "Barselona", "Real", "Atletiko", "Inter", "Milan" va "Yuventus".

Ularni qanday jazo kutmoqda?

UEFA ularni barcha musobaqalardan chetlatmoqchi (hatto milliy chempionatlardan ham), futbolchilarni milliy terma jamoalarda o'ynashga taqiq qo'ymoqchi va 50 milliard evro davo qilmoqchi. Ammo katta ehtimol klublar o'z milliy chempionatlarida o'ynashda davom etishadi. Har holda Superliga tashkilotchilarining rejasi shunday.

Turnir formati qanday bo'ladi?

Ikkita guruh, har birida 10tadan klub. Har bir klub raqib bilan uy-safar tizimida o'ynaydi. Guruhlardan uchtadan klub chiqadi. To'rtinchi va beshinchi o'rin sohiblari pley-off bahslarida ishtirok etishadi. CHorak va yarim final bahslari uy-safar tizimida o'tadi. Final may oyi oxirida neytral maydonda o'tkaziladi.

Klublar qancha pul topishadi?

15ta asoschi klublarga jami 3,5 milliard evro beriladi. Musobaqa tashkil etilganidan keyin dastlabki yillarda 10 milliard evroni milliy chempionat va klublar o'rtasida taqsimlash ko'zda tutilmoqda.

Rahbarlar kim?

Liga prezidenti - Florentino Peres ("Real Madrid"). Uning ikkita o'rinbosari bor: Joel Gleyzer ("Manchester Yunayted") va Andrea Anelli ("Yuventus"). Anelli darhol Evropa klublar Associaciyalari rahbariyatidan chiqdi.

Kimlar qarshi?

Evropa klublar Associaciyalari (Anelli boshqarib kelgan tashkilot) va FIFA Superligaga qarshi bayonot berishdi. UEFA, APL, La Liga, A Seriya, Bundesliga va Liga 1 top chempionatlari Superligaga juda qattiq qarshilik qilmoqda.
 

Live. Evropa Superligasi. Musobaqa borasidagi barcha xabarlar bitta sahifada