Etiborsizlik va loqaydlik oqibati (Mulohaza)

Matbuot anjumanida Farhod Norbo'taevning o'zi ham ishtirok etdi.

Gap bu kerda kimning haq, kimning nohaqligida emas, balki tanqid javobsiz qolmadi va klub tomonidan rasmiy javob qaytarildi. To'g'risi, bu hol meni quvontirdi. Asl haqiqat mana shunday bahslardagina yuzaga chiqadi. Vodiy futboli hech qachon jiddiy tanqidni beetibor qoldirmagan.

Ana endi Toshkentdagi vaziyatga etibor qaratamiz. Toshkent – o'zbek futbolining o'chog'i. O'FF ham, PFL ham, futzal associaciyasi ham shu erda joylashgan. Xalqaro o'yinlarning 95 foizi poytaxtda o'tkaziladi. Xullas, futbolda eng muhim masalalar Toshkentda yoki Toshkent orqali hal qilinadi. Lekin bu erda kimlar ishlayapti?

O'FFni senator Mirabror Usmonov boshqaryapti. U kishi terma jamoa jiddiy ravishda tanqid qilinganida o'tgan yil “Futbol sharhi” orqali har holda javob qaytardilar. PFL rahbari Farhod Magometov, bu odamni qancha tanqid qilmang, beparvo. Vaziyatlarga o'ta sovuqqonlik va loqaydlik bilan yondoshadi. Masalan, meni tinmay tanqid qilishganida och qornim, tinch qulog'im deb jimgina futboldan chiqib ketardim. CHunki hamma narsaning o'z chegarasi bor. Magometov nega tanqidlarni beparvolik bilan qarshi oladi? Nima uchun ko'zida o't chaqnamaydi? O'zbek futboli rivoji uchun yonib-kuymagan odamga kelajakni ishonib topshirish mumkinmi?

Terma jamoalar markazini Asqar Tolibjonov boshqarmoqda. O'rmonga o't ketsa-yu, bu kishining palatkasi yonmasa bo'ldi. Tolibjonov oxirgi paytda qachon maqtaldi? To'g'risi, men eslolmayapman. Nuqul tanqid ketidan tanqid. Lekin Asqar aka haliyam tanqidlarga javob bergani yo'q. Demak, bir kamchiligi bor. Yo'qsa, o'zbekning bekordan bekorga jim turganini qachon ko'rgansiz?

O'zbekiston U-22 olimpiya terma jamoasini SHuhrat Maqsudovga topshirishdi. Maqsudov jamoasi Ummondagi Osiyo chempionatida hatto guruhdan chiqa olmay qaytib keldi. Yana tanqidlar boshlandi. To'g'ri-da, axir bu jamoadan biz 2016 yilgi Olimpiada o'yinlariga borishni talab qilyapmiz. Jamoa ko'rsatgan o'yin esa oliy liga saviyasi qadar. SHuhrat Maqsudovning bosh murabbiy bo'lganiga 4 oycha bo'lib qoldi, lekin rasman haliyam xalqqa tanishtirilgani yo'q. Osiyo chempionatidagi muvaffaqiyatsizlik uchun Maqsudovni rosa tanqid qilishdi, muxlislar tomonidan ayovsiz fikrlar bildirildi, lekin u kishi miq etgani yo'q. Darhol O'FF matbuot bo'limiga chiqib, men matbuot konferenciyasi tashkil qilmoqchiman, tanqidlarga javob berishni xohlayman desa bo'lardi, lekin u kishiyam indamadi.

Mana endi “Bunyodkor” Osiyo chempionlar ligasida hatto guruhdan chiqa olmagani uchun Mirjalol Qosimov tanqid qilinmoqda. Saytlarda hatto “Bunyodkor” o'zbek klublarini OCHLdan mahrum qildi degan gaplar yozildi. Endi kelasi yil bizga yana 1+2 berilar ekan. Bu degani ikkita jamoa pley-offdan o'ta olmaydi, bittasi guruhda qolib ketadi. Mana, kelasi yilgi chempionlar ligasning biz uchun tuzib chiqilgan scenariysi. Ammo Qosimov ham asosan o'yinoldi va o'yindan keyingi matbuot anjumanlarida qatnashish bilan kifoyalanmoqda. Aytaylik, “Bunyodkor” Toshkentga qaytib kelgach, Mirjalol Qo'shoqovich darhol OAVni yig'ib OCHLdagi muvaffaqiyatsizlik sabablarini tushuntirib beradimi? Buni endi vaqt ko'rsatadi.   

Kim haq: jurnalist Norbo'taevmi yoki rahbar Mirzaboev? Buni yaxshisi muxlislar hal qilgani maqul. Eng asosiysi bu erda dastlab tanqid qilindi, keyin shunga yarasha javob qaytarildi. Yani, tanqid javobsiz qolmadi. Toshkentda esa shuncha tanqid javobsiz qolib ketyapti. Bu xuddi “It hurar, karvon o'tar” maqoliga o'xshab qolmayaptimi? Nazarimda, bir qator murabbiy va mutaxassislarning etiborsizligi va o'ta loqaydligi tufayli futbolimiz mana shu darajaga kelib qolmadimi? Futbol rivoji haqida ko'pchilik o'ylamay qo'ydimi? Nahotki, aksariyat futbol korchalonlarini mavjud vaziyat yaxshigina qoniqtirayotgan bo'lsa?

X.Xoliqov.