Etakchi o'zgarishi: A Seriyada 23-tur yakunlari
02 fev 2024 13:41
Yangiliklar

Etakchi o'zgarishi: A Seriyada 23-tur yakunlari

Italiya A Seriyasi 23-tur o'yinlari bo'lib o'tdi.

"Torino" "Kalyari"ni mag'lub etdi

O'yin starti ancha bo'sh o'tdi, jamoalar ko'proq bir-birlarini kuzatishdi va kam hujum qilishdi. Bunday o'yinda vaziyatlardan foydalanib ketish muhim edi va "Torino" buni uddaladi. Bellanova qanotdan oldinga borib darvoza tomon zarba berdi, Sapata bir teginish bilan to'pni darvoza to'riga qayta yo'naltirib yubordi. U tez orada dubl qilishi mumkin edi, ammo mehmonlar darvozaboni kolumbiyalikning bosh bilan bergan zarbasini bartaraf etdi. "Kalyari" taym so'nggida faollashdi, Yankto Petanyaning to'pni qoldirganidan so'ng xavfli, ammo noaniq zarba berdi. "Torino" esa aniqroq harakat qildi, Richchi taym so'nggida to'pni jarima maydonchasi ichiga olib kirib darvozabonning yonidan yo'naltirdi.

"Torino" taym boshida hisobni yirik ko'rinishga olib kelishi mumkin edi, Skuffet Sapataning zarbasidan so'ng to'pni qaytardi. "Buqalar" hujum qilishda davom etishdi, xususan Bellanova uzoqdan juda xavfli zarba berdi. "Kalyari" esa umuman uyg'ona olmadi. Mezbonlar Ranerining o'zgarishlaridan so'ng o'yin so'nggiga yaqingina ko'proq hujum qila boshlashdi. Ular ish berdi. Viola qanotdan jarima maydonchasiga kirdi va ideal zarba bilan darvozabonni ojiz qoldirdi. "Kalyari" o'yinni qutqarishga kirishdi, o'yin so'nggida esa aqlbovarqilmas vaziyatga ega bo'ldi. Lapadulla Dossenaning uzatmasidan so'ng darvozada oldida turib to'pga moslasha olmadi va uni to'rga yo'llay olmadi. "Torino" yakunda Siciliyada muhim g'alabani qo'lga kiritdi.

Cagliari

Nicolas Viola - 77'

Serie A . 22-tur

27/01/2024, 00:45

Tugadi

Torino

Duvan Zapata - 23', Samuele Ricci - 45'

Stadion: Unipol Domus, 16196 tomoshabin

Bosh hakam: Andrea Colombo

45'

90'

Match-senterda ochish

"Inter" "Fiorentina"dan ustun

Mezbonlar o'yin boshida ustunlikni o'z qo'llariga olishga harakat qilishdi, ammo ilk xavfli vaziyat ularning darvozalari oldida sodir bo'ldi. Tyuram qanotdan to'pni bo'sh turgan Karlos Augustoga uzatdi, ammo Raneri braziliyalikka aniq zarba berishga halal berdi. Bir daqiqadan so'ng gol ro'y berdi, Aslani ajoyib tarzda burchak zarbasini ijro etdi, Lautaro esa ildam o'ynab to'pni to'rga kirgizib yubordi. Augusto tez orada yana zarba poziciyasida edi, ammo zarba berish o'rniga pasni maqul ko'rdi, uni esa Kuatra to'xtatib qoldi. O'yin ancha tinchidi, Lautaro Tyuramning uzatmasidan so'ng xavfli zarba bergan payti taym so'nggiga yaqin o'yin jonlandi. "Fiorentina" ham gol urish uchun ajoyib imkoniyatga ega bo'ldi, Zommer Bonaventuraning to'qqizlikka yo'llagan zarbasini qaytardi.

"Fiorentina" tanaffusdan so'ng faolroq o'ynadi, Zommer darvozasi oldida keskinlik ko'paydi. Nzola vaziyatlardan birida jarima maydonchasi ichida uzatmani qabul qilib oldi va to'pni bo'sh turgan Bonaventuraga uzatish o'rniga aylanib turib shunchalik bo'sh zarba berdiki, darvozabon to'pni osongina egallab oldi. Eng muhim epizod taymning o'rtasida ro'y berdi, Zommer to'p uchun kurashda qo'li bilan Nzolaning yuziga zarba berdi. SHveycariyalik darvozabon Gonsalesning o'n bir metrdan yo'llagan zarbasini egallab olgan holda xatosini to'g'irladi. "Inter" qarshi hujumlar bilan javob qaytardi, ammo keskinlik ro'y bermadi. "Qora-ko'klar" qaysidir paytda shunchaki darvoza oldida turib olishdi va o'yinni g'alabagacha olib borishdi.

Fiorentina

Serie A . 22-tur

29/01/2024, 00:45

Tugadi

Inter

Lautaro Martinez - 14'

Stadion: Artemio Franchi, Firenze, 35084 tomoshabin

Bosh hakam: Gianluca Aureliano

45'

90'

Match-senterda ochish

"Yuventus" va "Empoli" durang o'ynadi

"Yuventus"da 5-daqiqadayoq hisobni ochish uchun yaxshi imkoniyat bo'lgandi, Kaprile Vlaxovichning jarimadan yo'llagan zarbasini qaytardi. "Yuventus" kutilganidek raqibga bosim o'tkazishda davom etdi, ammo 18-daqiqada Milik to'g'ridan-to'g'ri qizil kartochka olganda ko'p narsa barbod bo'ldi. "Empoli" shundan so'ng ko'proq hujum qila boshladi, Jurkovskining uzoqdan bergan zarbasi haqiqatdan ham xavfli chiqdi. "Yuventus" vaziyatlar yaratmadi, faqatgina taym so'nggida jonlandi, unda Miretti jarima maydonchasiga yorib kirdi, ammo noaniq zarba berdi.

"Yuventus" 2-taym boshida standartlarda yaxshi o'ynashini yana bir bor ko'rsatdi. Burchakdan uzatmadan so'ng Vlaxovich yaqin masofadan to'pni darvozaga kiritgan holda mavsumdagi 12-golini kiritdi. Jamoa shundan so'ng zichroq o'ynay boshladi, "Empoli" esa oldinga bordi va vaziyatlar yaratdi, ayniqsa CHerrining bosh bilan bergan zarbasi xavfli chiqdi. Taym o'rtalarida Luperto to'pni Balzaniga oshirdi, u esa jarima maydonchasi tashqarisidan ideal zarba berib to'pni burchakka yo'naltirdi. O'sha Balzani birozdan so'ng Kanchelerini darvozaga yuzlashtirdi, ammo Bremer to'pni forvardning oyoqlarida xavfsizlantirishga ulgurdi. Toskaniyaliklar hujumni davom ettirishdi, Kambyagi yaqin burchakka xavfli zarba berdi, SHensni qiyinchilik bilan to'pni maydon tashqarisiga chiqarib yubordi. "Yuventus" o'tkazib yuborilgan goldan so'ng hech nima yaratmadi va o'z o'yinidan aniq norozi bo'lishi kerak.

Juventus

Dusan Vlahovic - 50'

Serie A . 22-tur

27/01/2024, 22:00

Tugadi

Empoli

Tommaso Baldanzi - 70'

Stadion: Allianz Stadium, 39518 tomoshabin

Bosh hakam: Livio Marinelli

45'

90'

Match-senterda ochish

"Milan" va "Bolonya" durang o'ynadi

"Bolonya" o'yinni faol boshladi, diskvalifikaciyani o'tagan Zirkzee 9-daqiqada yaxshi zarba yo'lladi, ammo Menyan yaxshi harakat qildi. Tez orada yakka yurishdan so'ng ajoyib zarba yo'llagan Leaoda imkoniyat bo'ldi. "Bolonya"ning oldinga o'tishi esa natija olib keldi, Zirkzee jarima maydonchasi ichidagi chalkash vaziyatdan so'ng to'pni o'tkir burchakka yo'naltirdi. SHundan so'ng o'yin ancha tinchlandi, bu jimlik Ker taym so'nggiga yaqin jarima maydonchasi ichida yiqitilganda jonlandi. To'p yoniga Jiru keldi, ammo Skorupski francuzning zarbasini qaytardi. "Milan" baribir tanaffusga qadar hisoni tenglashtirishga muvaffaq bo'ldi, Kalabriya jarima maydonchasi ichiga to'pni yo'naltirdi, Loftus-CHik esa uni darvozaga yo'llab yubordi.

Tanaffusdan so'ng Zirkzeeda ajoyib imkoniyat bo'ldi, ammo uning yaxshi poziciyadan bergan zarbasi darvoza to'sini yuqorisidan o'tib ketdi. "Milan"da Reyderning uzoqdan yo'llagan zarba o'ta noaniq ketdi. Leao taym so'nggiga yaqin jarima maydonchasi ichida yiqitildi. Bu safar to'pga Teo keldi va darvoza ustunini nishonga oldi. Ammo, "Milan" darhol gol urdi, Loftus-CHik Florencining uzatmasidan so'ng Skorupskini ojiz qoldirdi. "Bolonya" oldinga bordi va yakunda imkoniyatga ega bo'ldi, Terrachano jarima maydonchasi ichida Kristensenning libosini faol tarzda ushladi, u esa yiqildi. Yakunda Orsolini o'yinning so'nggi daqiqasida penaltini aniq ijro etdi va "rossoblu"ga durangni taqdim etdi. Jamoaning natijadan ko'ngli to'q.

AC Milan

Ruben Loftus-Cheek - 45', Ruben Loftus-Cheek - 83'

Serie A . 22-tur

28/01/2024, 00:45

Tugadi

Bologna

Joshua Zirkzee - 29', Riccardo Orsolini - 90'

Stadion: San Siro, 80018 tomoshabin

Bosh hakam: Davide Massa

45'

90'

Match-senterda ochish

"Roma" "Salernitana"dan ustun

Ikki jamoa ham uzoq vaqt bir-birlari darvozalari oldida xavfli vaziyat sodir etishmadi, ilk xavfli vaziyatda Kandreva uzoqdan yaxshi zarba berdi. Patrisiu tez orada Majorening olisdan bergan zarbasini qiyinchilik bilan bartaraf etdi. "Salernitana" uzoqdan ko'p zarbalar berdi, "Roma" esa tanffusga qadar xavfli vaziyat sodir etolmadi.

"Salernitana" 2-taym boshida o'z darvoza oldida ahmoqona penaltini yuzaga keltirdi, Madjore oddiy vaziyatda qo'l bilan o'ynadi. Dibala nuqtaga yaqinlashib darvozani ishg'ol qildi. "Salernitana" shundan so'ng oldinga bordi, Nvankvo bosh bilan xavfli zarba berdi, ammo to'p yuqoridan o'tib ketdi. Dibala birozdan so'ng yana ko'rinish berdi, u to'pni chiroyli tarzda Karsdorpga uzatdi, niderland esa jarima maydonchasi ichiga kirib zarba berdi, Pellegrini esa to'pni bo'sh qolgan darvozaga yo'llab qo'ya qoldi. "Dengiz otlari" taslim bo'lishmadi va katta kuch bilan oldinga borishdi va xavfli vaziyatlardan so'ng gol urishning uddasidan chiqishdi. CHauna ajoyib tarzda uzoq masofadan uzatma ijro etdi, Kastanos esa bosh bilan ideal zarba berdi. "Roma" shundan so'ng mudofaani tartibga keltirdi va "Salernitana"ga xavfli vaziyatlar uchun imkoniyat bermadi, ammo o'yin so'nggida Lovatoning uzatmasidan so'ng CHauna bosh bilan xavfli zarba berdi, ammo bu safar Ruy Patrisiu zarbani qaytardi va "Roma"ning Daniele De Rossining ikkinchi o'yinida ham g'alaba qozonishini taminladi.

Salernitana

Grigoris Kastanos - 70'

Serie A . 22-tur

30/01/2024, 00:45

Tugadi

Roma

Paulo Dybala - 51', Lorenzo Pellegrini - 66'

Stadion: Stadio Arechi, 18038 tomoshabin

Bosh hakam: Marco Di Bello

45'

90'