Eshitdik-da! Mochinovga rahbariyat 2ta o'yinga imkoniyat bergan

Jamoa 6-tur o'tdiki hamon g'alaba nimaligini bilmay kelmoqda. "Buxoro" o'z maydonida 2-turda "Dinamo" bilan durang qayd etib, o'z hisobiga bitta ochko yozdirib qo'ygandi. Qolgan beshta uchrashuvda mag'lubiyatga uchradi. Bugungi kunda natija birinchi o'rin turibdi. Garchi murabbiy kelajak uchun ishlayotgan bo'lsada, natija ijobiy bo'lmasa rahbariyat "dirijyor"ni zudlik bilan almashtirishga qaror qiladi. 

Albatta mag'lubiyat hech kimga yoqmaydi. "Buxoro" o'tgan shanba kuni o'z maydonida "Olmaliq"dan yirik hisobda mag'lub bo'ldi. Muxlislar norozi. Uchrashuvdan keyingi matbuot anjumanida ham Mochinov mag'lubiyat va jamoaning omadsiz ishtiroki uchun barcha aybni o'z zimmasiga olishini takidlab o'tgan. 

Keyinroq eshitishimizcha "Buxoro" rahbariyati bosh murabbiyga yana ikkita o'yinda ishonch bildirgan xolda, vaziyatni ijobiy tomonga o'zgartirishi uchun imkoniyat berishini aytgan. 

Agarda haqiqatdan ham shunday bo'lsa, Mochinov uchun oliy liganing 7-8-tur o'yinlari juda ham muhim ahamiyat kasb etadi. Juda qiyin bo'lishi turgan gap. CHunki ikki o'yin ham safarda, "Qo'qon-1912" va "Mashal" klublariga qarshi kechadi.   

Demak, buxoroliklar 2 may kuni Qo'qonda o'ynashsa, 9 may kuni esa Muborakda "Mashal"ga qarshi bahs olib boradi.