Eshitdik-da! "Metallurg" serbiyalik himoyachini o'z safiga qo'shib olish arafasida

Yangi mavsumga tayyorgarlikni boshlayotgan "Metallurg" tarkibini legioner himoyachi bilan kuchaytirishni rejalashtirgan. Championat.asia malumotiga ko'ra, o'tgan mavsumni "Qo'qon-1912"da o'tkazgan serbiyalik himoyachi Ivan Yosovich bekobodliklar safiga qo'shilishga yaqin turibdi. 

Avvalroq futbolchini qo'lga kiritishda "Turon" favorit bo'lib turgandi. Biroq ikki tomon o'zaro kelisha olishmagan ko'rinadi. 

Ivan Yosovich "shunqorlar" tarkibiga 2020 yilning yanvarida qo'shilgan edi. U "Qo'qon-1912" uchun 73 ta rasmiy o'yinda maydonga chiqib, o'z nomiga 9 ta gol (+ 4 ta assist)ni yozdirib qo'ydi. O'tgan mavsum yakunlangach erkin agentga aylangan edi.