Eshitdik-da! “Mashal”ga o'rindiq etmabdi
17 mar 2014 14:38
Yangiliklar

Eshitdik-da! “Mashal”ga o'rindiq etmabdi

15 mart kuni oliy liga bahslariga start berildi. 1-turni safarda “So'g'diyona”ga qarshi o'tkazgan “Mashal” o'yindan oldin muammoga duch kelgan.

Gap shundaki, o'yin vaqtida zaxirada o'tirishi kerak bo'lgan darvozabonlar bo'yicha murabbiy bilan massajchiga joy etmay qolgan.

PFL reglamentiga binoan zaxira o'rindig'idagi o'rindiqlar soni 14ta bo'lishi kerak. Ammo Zomindagi stadionda o'rindiqlar faqat 12ta ekan. Natijada ikki kishiga joy etmay qolgan. Aslida buni uchrashuv komissari jiddiy nazorat qilishi kerak edi, biroq PFLdan komissar sifatida yuborilgan Valeriy Lyotkin bu muammoga ko'z yumgan.

Oxiri mezbonlardan kimdir bitta stul olib kelib bergan. Keyin “Mashal” massajchisi o'sha stulga o'tirgan, darvozabonlar bo'yicha murabbiy Pavel Sinelnikov esa joy yo'qligidan majburan muxlislar tribunasiga yo'l olgan.

Havola :

Manba : championat.asia

Yangiliklarni Telegramda o'qing!

Reyting: