Eshitdik-da! "Lans"ning yangi bosh murabbiyi kim bo'lishi malum

Bizga malum bo'lishicha, Lans klubini Ezdan so'ng Uill Still boshqaradi.

Still 2022-2024 yillarda "Reyms" bosh murabbiyi sifatida ishlagan. Etiborlisi, u endigina 31 yoshda. Murabbiy bilan qiziq voqea ro'y bergan. U 2022 yilning oktyabrida Franciyaning oliy divizionida ishtirok etadigan "Reyms" bosh murabbiyiga aylandi. Stillda UEFAning Pro licenziyasi yo'qligi sabab "Reyms" har bir o'yinda buning uchun 25 000 evro miqdorida jarima to'lab bordi. Still bosh murabbiy bo'lganidan so'ng jamoa barcha musobaqalarda 14ta mag'lubiyatsiz seriya qayd etgan.

Malumot o'rnida, Abduqodir Husanov to'p tepadigan "Lans" jamoasi esa ushbu mavsumni 7-pog'onada yakunladi va Konferenciyalar Ligasida qatnashadigan bo'ldi. Jamoa ustozi Frank Ez esa faoliyatini "Nicca"da davom ettirishga yaqin.