"Ertangi kun sporti". Rovshan Muxadov: "Turkmanistonda futbol rivojlanmoqda"

Unda Turkmaniston o'smirlar terma jamoasi ham ishtirok etmoqda. O'z vaqtida "Paxtakor"da to'p tepgan Rovshan Muxadov boshchiligidagi Turkmaniston o'smirlari dastlabki ikki turda O'zbekiston (1:5) va Yaponiyaga (0:1) mag'lub bo'lishdi. Biz murabbiyning fikrlari bilan qiziqdik.

"Bunday musobaqalar juda kerak deb o'ylayman. O'smirlar o'z imkoniyatlarini sinab ko'rishadi. Biz Yaponiyada o'tgan ilk musobaqada ham qatnashgandik. Toshkentdagi musobaqa ham yaxshi tashkil etilmoqda. Bizning jamoa tajriba to'plamoqda. Jamoa Osiyo chempionatiga chiqa olmadi, lekin keyinchalik bu futbolchilar turli yoshdagi terma jamoalarda o'ynashlari mumkin. Turkmanistonda futbol bosqichma-bosqich rivojlanib bormoqda. Artur Gevorkyanning "Nasaf"da o'ynashini bilaman. U mening shogirdlarimdan biri hisoblanadi. Bir necha yil avval Turkmaniston o'smirlar terma jamoasi Toshkentda o'tgan saralashda qatnashgandi. Artur Gevorkyan ham o'ynagandi, o'shanda men bosh murabbiy edim. Bugun (suhbat 2 mart kuni uyushtirilgan) "Nasaf" OCHLdagi navbatdagi o'yinni o'tkazadi. Albatta uchrashuvni tomosha qilamiz va Arturga muxlislik qilamiz", - deydi Ravshan Muxadov.

Narzulla Saydullaev