Ertaga U-19 Osiyo chempionati start oladi
17 okt 2018 13:36
Yangiliklar
Ertaga U-19 Osiyo chempionati start oladi
Osiyo o'yinlari va Paralimpiya o'yinlaridan so'ng Indoneziya futbol bo'yicha U-19 musobaqasini ham o'zida o'tkazadi. Ushbu musobaqada 16ta jamoa ishtirok etadi va yakunda kuchli to'rtlikka kirgan jamoalar kelasi yil Polshada bo'lib o'tadigan U-20 jahon chempionati yo'llanmasini qo'lga kiritishadi.
Ishtirokchi jamoalar
"A" guruhi - Indoneziya, BAA, Qatar, Xitoy Taypeyi
"V" guruhi - Yaponiya, Iroq, Tailand, KXDR
"S" guruhi - Vetnam, Janubiy Koreya, Avstraliya, Iordaniya
"D" guruhi - Saudiya Arabistoni, Tojikiston, Xitoy, Malayziya
O'yinlar qaysi stadionda bo'ladi?
4 noyabrga qadar davom etadigan U-19 Osiyo chempionati uchta stadionda o'tkaziladi. Bahslar Jakartadagi "Gelora Bung Karno", "Patriot Kandrabxaga" va "Pakansari" o'yingohlarida bo'lib o'tadi. Musobaqaga ertaga, 18 oktyabr kuni BAA - Qatar uchrashuvi bilan start beriladi. U-19 Osiyo chempionatining hal qiluvchi final o'yini 4 noyabrda "Pakansari" stadionida o'tkaziladi.
Musobaqaning qisqacha tarixi
Yoshlar o'rtasidagi Osiyo chempionati ilk bor 1959 yilda o'tkazilgan bo'lib, bunda Janubiy Koreya g'olib chiqqan. Koreyaliklar musobaqa tarixida jami 12 marta yoshlar o'rtasida Osiyo chempioni bo'lishgan. 2008 yildan boshlab musobaqaga rasman U-19 Osiyo chempionati nomi berilgan va har ikki yilda o'tkazib kelinadi. Indoneziyada o'tkaziladigan navbatdagi turnir 40-musobaqa sifatida tarixdan joy oladi.
Fikrlar