Ertaga Muborakda futbol bayrami

Birinchi turni safarda "Navbahor"ga qarshi o'tkazgan "gazchilar" 2:0 hisobida g'alaba bilan qaytdi. Erta ham "Mashal" vodiyning "Andijon" jamoasini o'z maydonida qabul qiladi. Muborakdagi ochilish uchrashuviga o'yin oldi dasturlar tayyorlanmoqda. Futbol mavsumini boshlanishini har yili bayram sifatida nishonlaydigan muborakliklar,  bu safar o'yin oldidan katta koncert dasturini ham tomosha qilishi mumkin. Ertaga 15:00 dan boshlab stadionda mahalliy sanatkorlar ijrosida bayram dasturi boshlanadi.

"Mashal" - "Andijon" bahsi 16:30 da start oladi. O'yin boshlanguncha mavsumning ochilish qismi ham bo'lib o'tadi.

Bu o'yinga chiptalar stadion kassalarida sotilmoqda. 18 yoshgacha bo'lgan muxlislarga 1000 so'mdan etib belgilangan bo'lsa, 18 yoshdan yuqori bo'lgan futbol ixlosmandlari  uchun 5000 ming so'mdan bo'ladi.

Barcha muxlislarni stadionda jamoamizni qo'llab-quvvatlashga chorlaymiz !