Ertaga "Lokomotiv" va "Buxoro" jamoalari qaysi liboslarda o'ynashi malum

Bugun mazkur uchrashuv oldidan o'yin komissari, nazoratchisi hamda har ikkala jamoa vakillari ishtirokida yig'ilish bo'lib o'tdi. Bu haqda "temiryo'lchilar" matbuot xizmati xabar berdi. Unda o'yinning tashkiliy masalalari muhokama qilindi. Qolaversa, jamoalar qaysi liboslarda o'ynashi aniqlab olindi. Unga ko'ra, "Lokomotiv" ertangi bahsni oq rangdagi libosda o'tkazadi. "Temiryo'lchilar" darvozaboni qora rangdagi formada maydonga chiqadi. Buxoroliklar esa to'q ko'k rangdagi formada o'ynaydi. Mehmonlar posboni egnida qirmizi rangli libos bo'ladi.

Takidlash joiz, "Lokomotiv" – "Buxoro2 o'yini ertaga, 11 may kuni poytaxtimizdagi "Lokomotiv" stadionida bo'lib o'tadi. Uchrashuv soat 20:30da start oladi.