Ertaga "Kelajak League"ning 1-tur uchrashuvlari bo'lib o'tadi
02 sen 2017 20:04
Yangiliklar
![](https://championat.asia/upload/storage/275664_original.jpg)
![](/upload/storage/275664_220.jpg)
Ertaga "Kelajak League"ning 1-tur uchrashuvlari bo'lib o'tadi
Xabaringiz bor, 3 sentyabr kuni 2008 yilda tavallud topgan futbolchilar o'rtasida "Kelajak League" deb nom olgan yangi chempionat start olayapti.
Jami 12ta klub qatnashadigan musobaqaning birinchi turida quyidagi jamoalar o'zaro bahs olib boradilar.
1 tur: 3 sentyabr (yakshanba).
11.00. Paxtakor-B - Junior Football-09
12.00. Paxtakor - Spartak-09
14.00. BO'SM - 16 - JFL-B
15.00. Soccer-2008 - IBO'SM
16.00. Lokomotiv - JFL
2008 yilda tavallud topgan futbolchilar uchun, 3 oyga yaqin vaqt davom etadigan musobaqa birinchisi bo'ladi. Mazkur loyiha 2018 yilda uchta avlod vakillari, 2007, 2008 va 2009ni o'z ichiga olishi rejalashtirilgan. Musobaqaning qulay tomoni shundaki, undagi barcha jamoalar bitta stadionga yig'iladilar. Championat.asia sayti tomonidan o'tkazib kelinayotgan futbol festivallarining sifati, bu musobaqada ham o'z ifodasini topishi yo'lida harakat qilinadi.Yil yakunida musobaqaning g'olib va sovrindorlari va bir qator nominaciyalarga ko'ra eng yaxshilar tan-tanali tarzda taqdirlanadilar. 2008 yilda tavallud topgan eng yaxshi futbolchi esa "Barselona" tomonidan har yili yoz oyida tashkil qilinadigan bir haftalik mashg'ulotga yo'llanmani qo'lga kiritadi. Ayrim o'quvchilar uni halol topshirilishiga shubha qilmasalar ham bo'ladi. Futbolchini, "Championat.asia"ning o'quvchilari ovoz berish yo'li orqali aniqlaydilar.
![](https://championat.asia/upload/storage/275663_680.jpg)
Musobaqa homiylari, "China Shashlik" restorani, "Dolce Italia" shirin muzqaymoqlari, "Oreo" savdo belgisi, "Camera.uz" va "Start" quruq nonushtalariga o'z minnatdorchiligimizni bildiramiz.
O’xshash yangiliklar
![AMP Logo](https://championat.asia/image/logo-amp.png)
Fikrlar