Eron terma jamoasiga botir murabbiy kerak
05 fev 2020 14:19
Yangiliklar
![](https://championat.asia/upload/storage/543469_original.jpg)
![](/upload/storage/543469_220.jpg)
Eron terma jamoasiga botir murabbiy kerak
Belgiyalik mutaxassis Mark Vilmots terma jamoani tark etganidan beri federaciya yangi murabbiy tayinlagani yo'q. Bu esa muxlislarni xavotirga solmoqda.
Terma jamoaning JCH saralashdagi holatini zo'r deb bo'lmaydi, shu bois mahalliy OAV zudlik bilan murabbiy topilmasa bosh jamoa yanada qiyin ahvolda qolishi haqida bot-bot yozmoqda.
Xususan Tehrantimes.com sayti Eron terma jamoasiga botir murabbiy kerakligi haqida yozib, ikki nafar nomzodni keltirib o'tdi. Eng asosiy nomzod sifatida Amir Galenoi ko'rsatilgan. Lekin "Sepaxon" ushbu murabbiyni qo'yib yubormoqchi emas, chunki isfahonliklar Osiyo chempionlar ligasida ishtirok etishadi.
Bundan tashqari Amir Galenoi 2006-2008 yilda terma jamoani boshqargan, biroq uning qo'l ostida forslar o'zini ko'rsata olmagan. Osiyo Kubogi-2007da terma jamoa Janubiy Koreyaga penaltilar seriyasida imkoniyatni boy berib, yarim finalga chiqa olmagandi.
Terma jamoani boshqarishga yana bir nomzod bu - Vohid Xoshemiyan. Xoshemiyan Vilmotsning yordamchisi bo'lib ishlab kelayotgandi, shu bois hozirgi muhitni yaxshiroq biladi. O'z paytida mohir hujumchi bo'lgan Xoshemiyan Germaniyada o'ynagan kezlari "B" va "A" licenziyasini qo'lga kiritgan, biroq uni hali zo'r murabbiy deb bo'lmaydi.
O’xshash yangiliklar
![AMP Logo](https://championat.asia/image/logo-amp.png)
Fikrlar