Eron. Qilichev va Musaevda durang, Melziddinov jamoasida g'alaba

Etiboringizga legionerlarimiz ishtirokidagi o'yinlarni taqdim etamiz.

Fozil Musaev to'p tepayotgan "Sepaxon" klubi o'z maydonida "Naft Tehron"ni qabul qildi. Uchrashuvda 1:1 hisobi qayd etildi. Musaev bahsda to'liq 90 daqiqa o'ynadi. "Sepaxon" 19ta turdan so'ng 34 ochko bilan musobaqa jadvalining 3-pog'onasini egallab turibdi. Klub navbatdagi turni 13 fevral kuni safarda "Fulad"ga qarshi o'tkazadi.

Eron pro-ligasi musobaqa jadvali
"Sepaxon" - "Naft Tehron" 1:1
Gollar: Agili 11 - Abbos Buoazar 79.

Ruslan Melziddinov to'p tepayotgan "Naft Masjid Sulaymon" klubi o'z uyida "Sabo Qom"ni qabul qildi. Bu bahsda "Naft" 1:0 hisobida zafar quchdi. Melziddinov 90 daqiqa o'ynadi. Klub ushbu g'alabadan so'ng 18 ochko bilan 13-pog'onaga chiqib oldi. Melziddinov jamoasi keyingi bahsni 12 fevralda "Gostaresh Fulad Tabriz" bilan o'ynaydi.

"Naft Masjid Sulaymon" - "Sabo Qom" 1:0
Gol: Farzad Muhammadi 79


Oybek Qilichev va "Paykon" bu turda o'z maydonida "Gostaresh Fulad Tabriz" bilan durang o'ynadi - 1:1. Hamyurtimiz uchrashuvda to'liq o'ynadi. Ayni paytda 20 ochko bilan musobaqa jadvalining 11-pog'onasida borayotgan klub keyingi o'yinni 8 fevral kuni safarda "Istiqlol"ga qarshi o'tkazadi.

"Paykon" - "Gostaresh Fulad Tabriz" 1:1
Gollar: S.Dagigi 45 - Magno 32


Bahodir Nasimov faoliyat olib borayotgan "Padideh" klubi bugun, 6 fevral kuni safarda "Tarktor Sozi" bilan bellashadi.