Eron - O'zbekiston. Timur Kapadze va Abbos Fayzullaev ishtirokidagi o'yinoldi matbuot anjumani

"Ertaga bizni qiziqarli o'yin kutib turibdi. Eron qanday kuchga egaligini bilamiz, o'zimizning kuchimizni ham bilamiz. O'ylaymanki yaxshi tayyorgarlik ko'rdik. Inshaalloh ertangi bahsga hammamiz tayyormiz", - deb gap boshladi Timur Kapadze.

"Ikkita yaxshi saviyadagi terma jamoalar o'rtasidagi o'yin kutib turibdi. Biz bu erga g'alaba uchun kelganmiz. Bor kuchimizni berib o'ynaymiz", - dedi Abbos Fayzullaev.

- Bilamizki, ayni paytda uch nafar o'zbekistonlik futbolchi Eron chempionatida o'ynamoqda. Bu sizga Eron terma jamoasi haqida o'ziga xos malumotlar olishda qanchalik yordam beradi?
- Eron terma jamoasi va Eron ligasini yaxshi bilamiz. Oxirgi yillarda bir necha bor to'qnash keldik. O'zimiz ham malumotlar to'pladik, futbolchilardan ham malumotlar oldik.

- Shomurodov Italiyada o'ynamoqda, Husanov APLga o'tdi. Abbos Fayzullaevda ham kelajakda Evropaning top chempionatlarida o'ynashni rejalashtirmoqdami?
Abbos Fayzullaev: - Savol uchun katta rahmat. Lekin hozir bu savolga javob berishning vaqti emas deb o'ylayman. Sababi ertaga bizni juda muhim o'yin kutib turibdi.

- Siz O'zbekiston terma jamoada ko'p yillar o'ynagansiz. Qaysi avlod kuchliroq bo'lgan deb o'ylaysiz? Hozirgi jamoa JCHga chiqish uchun etarlicha salohiyatga egami?
- Menimcha solishtirish noto'g'ri. O'sha paytda o'sha avlod kuchli edi, hozirgi eng kuchli avlod terma jamoada o'ynamoqda. Nasib qilsa maqsadimiz sari yaqinmiz!

- Masharipov diskvalifikaciya tufayli o'ynay olmaydi. Uning o'rni qanchalik bilinadi? Oston O'runov esa Qirg'iziston bilan o'ynamadi, u Eron bilan maydonga tusha oladimi?
- Ular terma jamoamizning muhim futbolchilari hisoblanadi. Bu futbol diskvalifikaciyalar uchrab turadi. Ostonda jarohat bor, tayyorlanmoqda. O'yinga tayyor bo'lsa tushadi. Qolgan futbolchilar sog'-salomat.