Eron futboli chalkash vaziyatda

Osiyo Kubogi startiga ikki oydan kam vaqt qolgan bir paytda Eron futbolida yuzaga kelgan chalkash vaziyat milliy terma jamoaga ham o'z tasirini o'tkazmoqda. Gap shundaki, o'tgan hafta OFK Eron hukumati futbolga aralashgani tufayli federaciyani rasman ogohlantirdi. Keyinchalik bu hol Eron FFga nisbatan qattiq sankciya qo'llanilishiga olib kelishi mumkin.

Mahalliy matbuot Eron futbol federaciyasi prezidenti Mehdi Taj va uning atrofidagi bir nechta kishilarga nisbatan jazo qo'llanilishi mumkinligini yozdi. Malum bo'lishicha, terma jamoada pul bilan bog'liq muammolar yuzaga kelgan, shu bois eronliklar kuchli jamoalarga qarshi o'rtoqlik uchrashuvi o'tkaza olishmayapti.

15 noyabr kuni "Ozodi" stadionida bo'lib o'tgan Eron - Trinidad va Tobago o'rtoqlik uchrashuviga atigi 2 ming muxlis tashrif buyurdi. Buni esa Eron futboli uchun juda past ko'rsatkich desa bo'ladi. Eng qizig'i o'yindan keyin ro'y berdi. Bahs nihoyasiga etgach, Karlush Keyrushning yordamchisi Okeano da Kruz jurnalistlardan biriga tashlanib qoldi. Keyrushning o'zi esa matbuot anjumaniga kirmasdan trinidadlik jurnalistga kiyim almashtirish xonasi yonida intervyu berdi.

Natijada jurnalistlar matbuot anjumaniga boykot elon qilib zalni tark etishdi. SHunday qilib o'yindan keyingi matbuot anjumani o'tkazilmadi. Xullas, Eron tomonda shunaqa gaplar.