Erkin Boydullaev: “Yutqazishga haqqimiz yo'q”

 - Uchrashuvning birinchi bo'limini o'zimiz kutgandek o'tkaza olmadik. Tanaffusdan keyin kichik o'zgarishlarni amalga oshirib, o'zimizni qo'lga oldik. Bu orqali tashabbusni o'z qo'limizga oldik. Yuzaga keltirilgan imkoniyatlardan samarali foydalandik. Darvozani yana ishg'ol qilishimiz mumkin bo'lsada, vaziyatlarga golga aylantira olmadik. Bir vaziyatda to'p “Navbahor” darvozasiga kirgandi. Ammo, Ermatov o'sha holatda raqib posbonini to'pni chiziq ustidan qaytarganligini aytdi.

Navbatdagi turda “Lokomotiv”ga qarshi o'z maydonimizda to'p suramiz. Ushbu uchrashuvda yutqazishga haqqimiz yo'q. Sababi uyda hali hech bir raqibga imkoniyatni boy berganimiz yo'q. SHundan kelib chiqqan holda maydonga faqat g'alabani ko'zlab tushamiz.

"Navbahor" matbuot xizmati