Eplmanager: APLning 21-tur sharhi

APLning navbatdagi turi "Tottenxem" hamda "Vest Bromvich" o'rtasidagi gollar shousi bilan boshlandi. Bahs qahramoni Xarri Keyn mehmonlar darvozasiga 3 ta gol urdi. "Vest Bromvich" himoyachisi Garet MakOli o'z darvozasini ishg'ol qilib hisob 4:0 bo'lishini taminladi.

"Byornli" o'z uyida "Sautgempton"ni qabul qildi. Uy uchrashuvlari qiroli bu bahsda ham ijobiy natijaga erishdi. Bartonning yagona goli mezbonlarga 3 ochko olib keldi.

"Vest Xem" nihoyat ishonchli g'alabaga erishdi. Ularning qurboni "Kristal Pelas" o'z darvozasidan 3 ta to'p olib chiqishga majbur bo'ldi. Feguli, Kerrol va Lansini o'z hisobiga bittadan gol yozdirib qo'yishdi, Antonio esa uchchala golga assistent bo'ldi.

"Stok Siti" 21-turda "Sanderlend" mehmoni bo'ldi (3:1). "Sanderlend" Arnautovich (dubl) va Krauchlarning goliga Defoning yagona aniq zarbasi bilan javob qaytarishdi.

"Suonsi" va "Arsenal" uchrashuvida mezbonlar va mehmonlar ikkitadan gol urishdi. Afsuski "oqqushlar" faqat o'z darvozalarini ishg'ol qila olishdi. Korka, Noton (avtogol), Jiru va Sancheslarning goli "to'pchilar"ga 4:0 hisobidagi g'alabani taqdim etdi.

"Uotford" va "Midlsbro" bahsida g'olib nomi aniqlanmadi. "Xall Siti" esa "Bornmut"ni 3:1 hisobida taslim etdi. Bu o'yinda Ernandes (dubl) va Mingz urgan gollar "yo'lbarslar"ga g'alaba keltirdi. Stanislas esa penaltidan gol urib, hisobdagi farqni qisqartirdi.

SHanbaning eng markaziy uchrashuvida "Lester Siti" va "CHelsi" o'zaro kuch sinashishdi. Amaldagi chempion hozirgi mavsum etakchisini qabul qildi. Uchrashuv "aristokratlar"ning yirik g'alabasi (0:3) bilan yakunlandi. Markos Alonso (dubl) va Pedro urgan gollar "CHelsi" hisobiga yana 3 ochko qo'shilishini taminladi.

Turning eng kutilmagan natijasi "Everton" - "Manchester Siti" bahsida qayd etildi. To'pga egalik qilish bo'yicha katta ustunlikka erishgan "shaharliklar" hisobda bunga erisha olishmadi. Aksincha, Liverpul shahri vakillari Bravo qo'riqlagan darvozani "o'qqa tutishdi". Lukaku, Miralyas, Devis va Lukamanning gollari tufayli bahs 4:0 hisobida yakunlandi.

Turning eng markaziy bahsi sifatida "Manchester Yunayted" hamda "Liverpul" o'rtasidagi o'yin ko'rsatilayotgan edi. Joze Mourino va Yurgen Klopp shogirdlari bu bahsda durangga imzo chekishdi. Milner va Ibragimovichning gollari tufayli jamoalar 1 ochkodan bo'lishib olishdi.

Yangi sovrinli "17" ligasida 8 nafar o'zbekistonlik etakchilik qilmoqda. Ularga ikki Indoneziya vakillari qo'shilib olishgan.

Turdan eng ko'p ochko yig'a olgan jamoalar

Turning eng yaxshi futbolchilari:

1. Marcos Alonso (CHE) 18 points

2. Harry Kane (TOT) 17 points

3. Michail Antonio (WHU) 12 points

4. Kevin Mirallas (EVE) 11 points

5. Abel Hernández (HUL) 10 points

6. Marko Arnautovic (STK) 10 points

21-turda eng ko'p super-sardor sifatidan tanlangan futbolchilar:

1. Alexis Sánchez

2. Zlatan Ibrahimovic

3. Harry Kane

4. Dele Alli

5. Diego Costa

6. Eden Hazard

7. David de Gea

8. Olivier Giroud

9. Sergio Agüero

10. Jermain Defoe