EPL Manager: 15-tur sharhi

SHanba kungi barcha o'yinlarda kamida 3ta gol urildi.

Tur "Uotford" hamda "Everton" o'rtasidagi bahs (3:2) bilan boshlandi. Ikkala klub ham g'alaba uchun borini berib harakat qildi, ammo mezbonlarga omad kulib boqdi. Okaka CHuka va Romelu Lukaku dublga erishdi, himoyachi Sebastyan Prodl esa o'z hisobiga bitta gol yozdirib qo'ydi.

"Xall Siti" - "Vest Bromvich" uchrashuvida (3:3) haqiqiy triller bo'ldi. 6 ta golning 3 tasi 70 va 80-daqiqalar orasida urildi. Mezbonlardan Snodgrass, Diomande va Livermor o'z hisobiga gol yozdirib qo'ydi, mehmonlardan esa Benteke, Zaa va Kempbell.

"Suonsi" o'z maydonida "Sanderlend"ni 3:0 hisobida taslim etdi. Sigurdsson va Lorente (dubl) tabloga o'z ismini yozdirdi. Devid Moyes jamoasi o'yinida yana pasayish kuzatilmoqda.

CHempionlik uchun kurashayotgan "Arsenal" juda yaxshi formada. "To'pchilar" "Stok Siti"ga qarshi bahsda raqibni ishonchli hisobda (3:1) mag'lubiyatga uchratdi. Uchrashuvdagi hisobni mehmon jamoa vakili CHarli Adam ochdi, ammo Venger shogirdlari birinchi bo'lim oxirida Uolkott goli evaziga taymni durang bilan yakunladi. Ikkinchi bo'limda Ozil va Ivobi kiritgan gollar jamoaga navbatdagi g'alabani taqdim etdi.

"Byornli" o'z maydonida "Bornmut"dan ustun keldi (3:2). Mezbonlar safida Xendrik, Uord va Boyd gol urdi, "olchalar"dan esa Afobe va Deniels.

Turning eng kutilmagan natijasi "Lester Siti" - "Manchester Siti" bahsida qayd etildi. Premer-liganing amaldagi chempioni turnir g'olibligi uchun asosiy davogarlardan bo'lgan Xosep Gvardiola jamoasini taslim etdi. Vardining xet-trigi "tulkilar"ga 3 ochko olib keldi. King ham o'z hisobiga gol yozib qo'ydi. "SHaharliklar" safida Kolarov va Nolito gol urdi.

"CHelsi" "Stemford Brij"da "Vest Bromvich"ni qabul qildi. Mehmonlarning "avtobusi"ni Diego Kosta yorib o'tdi. U uchrashuvdagi yagona golga mualliflik qildi.

"Sautgempton" va "Midlsbro" bahsida kichik hisob qayd etildi. Sofian Bufalning yagona goli "avliyolar"ga g'alaba olib keldi.

"Manchester Yunayted" hamda "Tottenxem" o'rtasidagi turning markaziy bahsida mankunianlar g'olib bo'ldi. Asta-sekin formaga kirib borayotgan Mxitaryan bu uchrashuvdagi yagona golga mualliflik qildi, ammo u jarohat tufayli o'yinni yakunlay olmadi.

15-tur "Liverpul" - "Vest Xem" bahsi bilan yakunladi (2:2). Lallana, Origi, Payet va Antoniolarning gollari uchrashuv durang bilan yakunlanishini taminladi va Bilichga yana bir o'yin o'tkazish imkoniyati berildi.

Eplmanager fentezi-futbol turnirida "Rascal FC" (Indoneziya) 105 ochko to'plab, turning eng yaxshifoydalanuvchisi bo'ldi.

Ushbu fentezi-futbol o'yinida navbatdagi sovrinli liga, Jet Black yakunlandi va ikki o'zbekistonlik qimmatbaho sovrinlar egasiga aylandi.

1. fc Bale Ronaldo (O'zbekiston) 293 ochko

2. DHEWWA10 FC 292 (Indoneziya)

3. Sarvar 7570 284 (O'zbekiston)

Turning eng yaxshi futbolchilari:

1. Jamie Vardy(LEI) 17 points

2. Wilfried Zaha (CRY) 13 points

3. Gylfi Sigurdsson (SWA) 11 points

4. Romelu Lukaku (EVE) 10 points

5. Fernando Llorente (SWA) 10 points

6. Stefano Okaka (WAT) 10 points

Turda eng ko'p super-sardor sifatida tanlanganlar:

1. Alexis Sánchez

2. Eden Hazard

3. Diego Costa

4. Mesut Özil

5. Sadio Mané

6. Zlatan Ibrahimovic

7. Ben Foster

8. David de Gea

9. Roberto Firmino

10. Harry Kane