So’nggi yangiliklar

14:57"Ал Иттиҳод" Педро учун 35 миллион евро таклиф қилди  0 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  8 13:04"Фенербахче" Моуриньюни бош мураббий лавозимидан озод этди  6 12:52Туркманистон бош мураббийи Ровшан Мередов: "Бу савол менга эмас"  2 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  15 11:56Тимур Кападзе Паулу Бенту ҳақида фикр билдирди  30 11:44Карлуш Кейруш: "Бир неча йил аввал Ўзбекистон футболи "уйқу"да эди"  24 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  5 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1

Enrike Serezo: Hozirgi tarkib eng zo'ri Yangiliklar

Enrike Serezo: Hozirgi tarkib eng zo'ri

Atletiko klubi prezidenti sifatida 14-mavsumni qarshi olayotgan Enrike Serezo ayni kundagi tarkibdan mutlaqo xotirjam.

Harqalay, uning fikricha, matraschilar joriy yozda tarkib bo'yicha olganda, eng jiddiy vazifalarni bajarishga qodir holatga kelishgan. Atletikoning ayni tarkibi so'nggi yillardagi eng kuchlisi va jamoadan yaxshi natijalar kutsak bo'ladi,- dedi Enrike Serezo ispan matbuotiga bergan oxirgi intervyusida.

- Atletikoning bo'lajak mavsum uchun shakllantirilgan tarkibini qanday tavsiflaysiz?

- O'ta ajoyib jamoa yig'ildi. Ochig'i, bugun vujudga kelgani Atletikoning oxirgi yillardagi eng kuchli tarkibi, menimcha. Qarang, kiyinish xonasi buyuk futbolchilar bilan to'la. Ular chinakam professional va tabiatan mudom muvaffaqiyatga intilishadi. Yani bu xislat qon-qonlariga singib ketgan.

- Etiborlisi, joriy yoz ispan klublari orasida transferlar uchun eng ko'p mablag'ni aynan Atletiko sarfladi. Aniqroq aytsak, xarajatlar miqdori 80 mln. evrodan oshib ketdi.


- Biz doimo murabbiylar maslahatlariga quloq tutib, ish ko'ramiz. Xullas, kuchaytirilishi lozim bo'lgan poziciyalar uchun futbolchi sotib olishga urindik. Biroq  byudjetimizga mos kelmaydigan xaridlarga qo'l urmaymiz.

- Kevin Gameyro - yoz mavsumining bosh transferimi?


- Gameyro - saviyasi baland futbolchi va uni safimizga qo'shib olganimizdan xursandmiz. Muhimi, avvalo, Kevinning o'zi Atletikoga o'tishni istadiki, shunisi maqul tushdi. Umuman, gap o'tgan mavsum Sevilyada 30ta gol urib, qanday hujumchi ekanligini ko'rsatib qo'ygan futbolchi haqida ketyapti - buni unutmaslik kerak.

- Diego Kostaning qaytishi xususida tinmayotgan gap-so'zlar masalasida nima deya olasiz?


- Kosta CHelsi bilan tuzgan shartnomasiga hurmat bilan yondashishga majbur. Ishonchim komil, u hali o'z so'zini aytadi.

- Gaytanni sotib olish tashabbusi ham Simeonedan chiqdimi?


- Qaytaraman, qaysidir o'yinchi bilan muzokara boshlashdan oldin albatta, murabbiylar fikrini inobatga olamiz. Aslida Evropadagi top-klublarning yarmi Kopa Amerikada yorqin o'ynagan Gaytanga davogar edi. Qolaversa, argentinalik yigit o'tgan mavsum Visente Kalderonda Atletikoga qarshi to'p surganlar orasida eng yaxshi futbolchi bo'lgandi.

 - Lusiano Vetto ijara sharti asosida Sevilyaga berildi. Vaholanki, klub avvalgi mavsum uning uchun naq 22 mln. evro to'lagandi.


- Kelishuvdan ko'zlangan maqsad tayin - futbolchiga o'yin amaliyotini taminlash. Lusianoning safimizga La-liga bosh yulduzlaridan biri sifatida qaytishiga shubham yo'q.

- Fernando Torres Atletikoda qoladimi?


- Albatta, axir uning tomirida klubimiz qoni oqyapti. Torres bilan hamkorlik har ikki tomon uchun o'ta manfaatli. SHunday ekan, u jamoamizda o'zi ketishni ixtiyor etmaguncha qolishi mumkin.

 - Evro-2016 Oltin butsasini qo'lga kiringan Antuan Grizmanning supermavsumiga ham to'xtalsangiz.


- U daho. Ishontirib aytamanki, Antuan bu yil Oltin to'pga ham davogarlik qiladi.

- Mavsum davomida butun Evropa miqyosida eng kam gol qo'yib yuborgan Yan Oblakni qanday tariflaysiz?


- Oddiy: Oblak - jahondagi eng kuchli golkiper.

- Umuman, Atletiko bo'lajak mavsumda nimalardan umidvor?


- Mavjud 3ta turnir - La-Liga, Kopa del Rey (Ispaniya kubogi)  va CHLda g'alaba uchun kurashmoqchimiz. Xullas, 3ta sovrinni ham yutish niyatimiz bor. Ayniqsa, CHLda shohsupaga ko'tarilish vazifasiga jiddiy qaraymiz.

- Mavsumning o'zi Atletiko uchun alohida ahamiyat kab etadi. Zero, jamoangiz Visente Kalderondagi 50 yillik hayotdan so'ng yangi stadionga ko'chib o'tadi.


- Qadrdon stadionimiz bilan munosib xayrlashish uchun ham sovrinlarga ega chiqishimiz kerak.


A. AHMEDOV tayyorladi

Reyting: +3   

Fikrlar

championat.asia
< so’nggi yangiliklarni ko’rish
Яндекс.Метрика