Eldor Tojiboev: “Eng yaxshi bo'lish doimo yoqimli”

Tarkibda mahoratli o'yinchilarning jamlangani ham qaysidir manoda bunga sabab bo'ldi deyish mumkin. Xususan darvozabon Eldor Tojiboev joriy mavsum g'uzorliklar darvazasini ishonchli tarzda qo'riqladi. SHu bois “SA” talqiniga ko'ra Tojiboev birinchi liga yakuni bo'yicha “Mavsumning eng yaxshi darvozaboni” bo'ldi. SHu munosabat bilan 28 yoshli posbonni suhbatga chorladik.  

- Eldor aka, “SA” talqiniga ko'ra “Mavsumning eng yaxshi darvozaboni” bo'ldingiz. Bundan xabaringiz bormi?
- Ha, albatta. Buni saytga kirganimda bildim. To'g'risi, bundan xursand bo'ldim. Eng yaxshi bo'lish doimo yoqimli va kishini ruhan tetiklashtiradi. Buning sayt ijodkorlariga minnatdorchilik bildiraman. 

- “SHo'rtan” bir yillik tanaffusdan so'ng yana elitaga qaytdi. Poyoniga etgan mavsumda jamoangizning ishtiroki haqida fikringiz qanday?
- Bu yil tarkibimiz juda yaxshi shakllantirildi. Birinchi bosqichda raqiblarimizga aytarli imkoniyat qoldirmadik va oldimizga qo'yilgan vazifani deyarli 70 foizga bajarib bo'lgandik. Bu esa yigitlarni hotirjamlikka berilishiga sabab bo'ldi. CHunki ikkinchi bosqichda avvalgidek shijoat ko'zga tashlanmadi. Baribir insonni ichki ruhiy jihatdan alday olmaysiz. Futbolchilar bo'shashib ketdi. SHuning uchun ikkinchi bosqichda biroz qiynaldik. SHunga qaramay 1-o'rinni egalladik.  

- Bu yilgi mavsum siz uchun qanday o'tdi?
- Jamoam bilan kichik oltin medallarni qo'lga kiritdim. Mavsum mobaynida deyarli barcha uchrashuvlarda o'ynadim. Bu yil ko'proq o'yin amaliyotiga ega bo'ldim. Tabiiyki bu juda ham foydali. Kelasi yil endi oliy ligada ham asosiy darvozabon bo'lish uchun intilaman. 

- “SHo'rtan” bilan hamkorlikni davom ettirasizmi?
- Oldimda bir nechta taklif bo'lishiga qaramay, “SHo'rtan”da qolmoqchiman. CHunki bu erda ham meni hamma narsa qoniqtirmoqda. Murabbiy bilan munosabatim yaxshi. Yana ishonch bildirishayotganidan esa unumli foydalanib, oliy ligada ham o'zimni ko'rsatish niyatim bor. 

- Joriy mavsum o'z ampluangiz bo'yicha kimlarning o'yini yoqdi?
- (Biroz o'ylanib) To'g'risi, jamoalar bilan mavsum mobaynida ikki marta o'ynaganimiz uchun dastlabki uchrashuvda bitta posbon harakat qilsa, keyingi bahsda boshqasi darvozada turdi. SHuning uchun alohida bir hamkasbimni ajratib ko'rsatishga qiynalaman. Mayli bitta nomzod aytaman, “Mashal”dagi Husan Olimjonovning harakati yomon emas. Yosh bo'lishiga qaramay, reakciyalari kuchli ko'rindi. Agar o'z ustida ishlashni davom ettirsa, undan kelajakda kuchli darvozabon chiqadi.

Islombek Rustambekov suhbatlashdi.