Eldor Suyunov Toshkent iqtisodiyot va servis kolleji talabalari bilan uchrashdi

O'z sohasida muvaffaqiyatlarga erishayotgan insonlar bilan kollej talabalarini uchrashtirish orqali katta hayotga yaqinlashayotgan yoshlarni o'z maqsadlari sari kurashishga chorlash va yanada ko'proq yo'naltirishda bunday uchrashuvlarning ahamiyati yuqori. Kollej talabalari savol-javob tarzida o'tgan uchrashuvda Eldorga o'zlarini qiziqtirgan savollar bilan murojaat qilishdi. 

O'z navbatida darvozabon faoliyatini boshlashi, kasbidagi qiyinchiliklar va ularni engib o'tishda sabr zarur ekani, "Paxtakor", milliy terma jamoa, tanqidlardan to'g'ri xulosa chiqarish, mashg'ulot jarayonlari xususida berilgan savollarga batafsil javob qaytardi. Uchrashuv yakunida eng yaxshi uch savol egasiga, shuningdek, boshqa xohlovchilarga Suyunov "Paxtakor" futbol klubi tomonidan sovg'alarni taqdim etdi.