Eh, Vetnam, Vetnam...

Agar ikkinchi bosqichning oxirgi o'yinida Saudiya Arabistoni bilan durang o'ynaganimizda ham hozir uchinchi bosqichda qatnashayotgan bo'lardik. Lekin o'tgan ishga salovat deganlaridek, afsus chekkandan foyda yo'q, vaqtni esa ortga qaytarib bo'lmaydi.

Xabaringiz bor, 2 va     7 sentyabr kunlari Osiyo mintaqasida JCH-2022 saralash bosqichining uchinchi raund dastlabki ikki tur o'yinlari o'tkazildi. SHu o'rinda uchinchi bosqich 12ta terma jamoani 6tadan ikki guruhga bo'lingan holda o'tkazilayotganini eslab o'tish joiz. 

O'yinlar startida Telegram kanalimizga "Biz qolib JCH saralash 3-bosqichida qaysi jamoaning ishtirok etishi alam qilyapti?" mazmunida so'rovnoma qo'ygandik. Bugun natijalarni elon qilamiz. 

O'tgan vaqt davomida ushbu so'rovnomada 11 mingdan ziyod o'quvchi ishtrok etib, o'z variantlarini belgilashgan. Uchinchi bosqichga qaysi jamoaning chiqishi ko'proq alam qildi deb 8ta jamoani keltirganmiz: BAA, Suriya, Iroq, Livan, Saudiya Arabistoni, Xitoy, Ummon va Vetnam.

So'rovnoma qatnashchilarining ko'pchiligiga (31 foiz)  Vetnamning keyingi bosqichga yo'l olishi alam qilibdi. 26 foiz ishtirokchi Livan hamda 14 foiz o'quvchi Saudiya Arabistoni variantida to'xtalgan. 

Bizning guruhda Saudiya Arabistoni birinchi o'rinni egalladi. SHuningdek, BAA bilan Suriya ham o'z guruhidan birinchi o'rin bilan chiqdi. Eng yaxshi natija qayd etib ikkinchi o'rin bilan chiqqan jamoalar: Xitoy, Ummon, Iroq, Vetnam va Livan. 

Biz mana shu beshta jamoadan birining o'rnida bo'lishimiz mumkin edit va agar keyingi bosqichga chiqqanimizda ishonamizki, Ummon, Vetnam, Livan kabi jamoalarga nisbatan yaxshiroq natija qayd etardik. Ammo na iloj.