Edgar Gess: "Hisobimizda 8 ochko borligidan xursandman"

"O'yin haqida gapiradigan bo'lsak, hisob o'yin qanday bo'lganini aytib turibdi. Farg'onaliklar o'yinda to'liq ustunlik qilinshdi. Imkoniyatlardan foydalana oldilar. Bir so'z bilan aytsak, ular bizdan yaxshi o'ynadilar. Biz ham harakat qildik. Biroq, ikkinchi bo'limda 10 kishi bo'lib qolgan yigitlarda charchoq alomati sezilib qoldi", - deya so'z boshladi mezbonlar ustozi.

Oldimizda "Neftchi"ga munosib qarshilik qilish vazifasi qo'yilgandi. O'rtada futbolchilar xatolarga yo'l qo'yishdi. Endi xatolarni o'rganib chiqamiz.

So'nggi daqiqalarda ikkita gol o'tkazib yubordik. Biz harakat qilmoqdamiz. Imkonimiz darajasida.

Qo'l ostimizdagi futbolchilar bilan o'ynaymiz. CHunki, ushbu futbolchilarni almashtira olmaymiz.

Hisobimizda 8 ochko borligidan xursandman. Moliyaviy imkoniyatlari bizdan yaxshi bo'lgan "Buxoro" hisobida 2 ochko bor. "Dinamo" ham bugun o'z maydonida mag'lubiyatga uchradi. Bu yilgi vazifamiz futbolchilarning 20-25 ta o'yinda maydonga tushishlari orqali tajriba to'plash. SHunda, keyingi yil ishlasak bo'ladi.

Agar pul bo'lganida futbol o'ynashni biladigan futbolchilarni sotib olgan bo'lardim. Menga zarilmi, shu yoshimda barchadan uyalib, ko'chada yura olmaydigan bo'lib yurish. Yaxshi futbolchilarni harid qilib, oyoqni uzatib g'alaba qozonishimizni tomosha qilgan bo'lardim.
Jamoa 10 kishi bo'lib qolganiga qaramay o'ynashda davom etdi.