ECHL. Bugungi o'yinlar prevyusi

Germaniyada Madridning "Real" jamoasi "Borussiya D" mehmoni bo'ladi. Ushbu to'qnashuv taqdiri Ispaniya poytaxtida bo'lgan uchrashuvda deyarli hal etilgan.

 Lekin Yurgen Klopp jamoasi bor imkoniyatlarini ishga solib, oradagi katta farqni yuqqa chiqarishga urinib ko'rishlari aniq. Hech kimga sir emaski, Dortmund jamoasi "Signal Iduna Park" stadionida har qanday raqibni dovdiratib qo'ya oladi. Buni "Real" jamoasi  misolida yaxshi bilamiz.

O'tgan yilgi ECHL yarim finalida ushbu jamoalar bir-birlari bilan o'ynashgan va Dortmundagi bahsda Yurgen Klopp jamoasi madridliklarni tor-mor eta olishgan edi. Lekin ushbu mavsumda avvalgi "Borussiya"ni ko'rmayapmiz va "Real" jamoasi ham o'tgan yilgi natijalardan keyin kerakli xulosalarni chiqarishgani aniq.

Madriddagi o'yinda diskvalifikaciyasi sabab Levandovski maydonga tusha olmadi. Bugungi uchrashuvda esa Robert jamoasiga yordam bera oladi va bu Dortmund jamoasi muxlislarini umid chiroqlarini yoqishi mumkin. Robert o'tgan yilgi o'yinda "Real" darvozasiga oz emas, ko'p emas naqd to'rtta gol kiritgandi. Endi ushbu natijani takrorlash bu juda ham qiyin masala.

"Real"dek jamoa darvozasiga har doim ham gollar kiritishni ilojisi yo'q. Bugungi o'yinda "Real"ga Ronaldo yordam bera olishi aniq emas. Uni jarohati bezovta qilmoqda. Karlo Anchelotti agar vaziyat taqozo etmasa, Ronaldo borasida tavakkalga qo'l urmasa kerak. "Borussiya D" jamoasi tarkibidagi yo'qotishlar haqida gapirmasak ham bo'ladi. Deyarli yarim jamoasiz qolgan Klopp mavsum davomida "yamoq"larni o'rnini to'ldirish bilan ovora bo'lib kelmoqda. Ushbu o'yinda Kloppga qiyin bo'lishi aniq.

Lekin jamoani yo'qotadigan narsasi yo'q. Ular bugun tavakkal qilib ko'rishlari talab etiladi. Bu jamoalar o'rtasidagi uchrashuv muxlislarni zeriktirib qo'ymasligi aniq. Ko'ring, aslo zerikmaysiz!

Bugun yana bir super to'qnashuv bo'lib o'tadi. Londonda Joze Mourino jamoasi "PSJ"ga qarshi saf tortadi. Bu jamoalarning ilk o'yinida Loran Blan boshqaruvidagi "PSJ" klubi "special one"ning "CHelsi"sini mag'lub etishgan edi va keyingi bosqichga chiqish uchun eshiklarni ochib qo'yishga erishishdi. "CHelsi" esa Londonda bo'ladigan o'yin orqali yarim finalga yo'l olishni maqsad qilgan.

"PSJ"da katta yo'qotish bor. Bu Zlatan Ibragimovich. "CHelsi" uchun bu yaxshi yangilik. Lekin Parijdagi o'yin so'nggida Pastore kiritgan ajoyib gol londonliklarning masalasini katta qilib qo'ydi. Endi bugungi bahsda ular raqiblari darvozasiga kamida ikkita gol kiritishlari va o'z darvozalaridan to'p olib chiqmasliklari shart. Agarda CHex gol o'tkazib yuboradigan bo'lsa, unda "CHelsi" futbolchilari kamida uchta to'p farqi bilan Loran Blan jamoasini engishlari talab etiladi. SHundagina "CHelsi" yarim finalda o'ynash huquqini qo'lga kiritishi mumkin bo'ladi.

Joze Mourinoni qiyin bellashuv kutmoqda. Loran Blanni esa katta sinov kutmoqda. Joze Mourinoning boy tajribasi bunday o'yinlarda as qotishi mumkin. "Special one"  ushbu darajadagi katta to'qnashuvlarni sevadi.

"Borussiya D" jamoasining CHempionlar ligasidagi statistikasi:

O'tkazgan o'yinlari -9

G'alaba - 5

Mag'lubiyat - 4

Durang - 0

To'p bilan muomala qilish - 46%

To'g'ri to'p uzatish - 79%

Kiritgan gollari - 16

O'tkazib yuborgan gollari - 13

O'rtacha kiritilgan gollari - 1,8

O'rtacha o'tkazib yuborgan gollari - 1,4

To'p uzatish - 3883

Penalti - 2

Darvoza tomon zarbalar - 99

Darvoza tomon aniq zarbalar - 51,52 %

Offsayd - 22

Ogohlantirishlar - 16

CHetlatish - 1 

"Real" jamoasining CHempionlar ligasidagi statistikasi:

O'tkazgan o'yinlari - 9

G'alaba - 8

Mag'lubiyat - 0 

Durang - 1

To'p bilan muomala qilish - 57%

Aniq to'p uzatish - 88%

Kiritgan gollari - 32 

O'tkazib yuborgan gollari - 7

O'rtacha kiritilgan gollari - 3,6 

O'rtacha o'tkazib yuborgan gollari - 0,8

To'p uzatish - 5234

Penalti - 2

Darvoza tomon zarbalar - 132

Darvoza tomon aniq zarbalar - 55,30%

Offsayd - 27

Ogohlantirishlar - 12

CHetlatish - 1

"CHelsi" jamoasining CHempionlar ligasidagi statistikasi:

O'tkazgan o'yinlari - 9 

G'alaba - 5

Mag'lubiyat - 3 

Durang - 1

To'p bilan muomala qilish - 51%

To'g'ri to'p uzatish - 84%

Kiritgan gollari - 16

O'tkazib yuborgan gollari - 7

O'rtacha kiritilgan gollari - 1,8 

O'rtacha o'tkazib yuborgan gollari - 0,8

To'p uzatish - 4527

Penalti - 1

Darvoza tomon zarbalar - 86

Darvoza tomon aniq zarbalar - 51,16% 

Offsayd - 18

Ogohlantirishlar - 17

CHetlatish - 0

"PSJ" jamoasining CHempionlar ligasidagi statistikasi:

O'tkazgan o'yinlari - 9

G'alaba - 7

Mag'lubiyat - 1

Durang - 1

To'p bilan muomala qilish - 64%

To'g'ri to'p uzatish - 91%

Kiritgan gollari - 25

O'tkazib yuborgan gollari - 7

O'rtacha kiritilgan gollari - 2,8

O'rtacha o'tkazib yuborgan gollari - 0,8

To'p uzatish - 6061

Penalti - 2

Darvoza tomon zarbalar - 87

Darvoza tomon aniq zarbalar - 65,52%

Offsayd - 22

Ogohlantirishlar - 15

CHetlatish - 0

ECHL, chorak final. Javob o'yinlari.

"Borussiya D" - "Real" (23:45 "NTV-PLYUS Futbol")

"Signal Iduna Park" stadioni.

Hakamlar: Damir Skomina, Boyan Ul, Janluka Kariolato.

Taxminiy tarkiblar:

"Borussiya D": Vaydenfellar, Xummels, Papastatopulos, Pishchek, Mxitaryan, Roys, Yoyich, SHaxin, Grosskroyc, Obameyang, Levandovski.

"Real": Kasilyas, Karvaxal, Pepe, Ramos, Koentrau, Beyl, Alonso, Modrich, Di Mariya, Isko, Benzema.

"CHelsi" - "PSJ" (23:45 "NTV-PLYUS Futbol2", "Sport")

"Stemford Brij" stadioni.

Hakamlar: Pedro Proensa, Bertinu Miranda, Tiagu Trigu.

Taxminiy tarkiblar:

"CHelsi": CHex, Branislav Ivanovich, Keyxill, Terri, Aspilikueta, David Luiz, Oskar, Eden Azar, Villian, Lempard, Torres.

"PSJ": Sirigu, Aleks, Maksvell, Tiago Silva, van der Vil, Matyuidi, Veratti, Moura, Motta, Lavessi, Kavani.

SHahboz Beg'amov