Dunyoning eng qimmat darvozabonlari

Ularning fikriga ko'ra, agar ular bo'lmasa, futbol yanada yuksaladi. Keling, bugun aynan o'sha posbonlar haqida suhbatlashamiz.

10. Serxio Riko (24 yosh)
Klub: “Sevilya”
Millati: ispan
Narxi: 20 mln evro
24 yoshli “Sevilya” tarbiyalanuvchisi Evropa Ligasida ikki bor g'alaba qozondi va Ispaniya termasida debyut qilishga ulgurdi. Bo'yi 194 sm bo'lgan golkiper bilan “Liverpul” qiziqishni boshlaganidan xabaringiz bor, albatta. Sevilyaliklar esa Riko bilan shartnomani 2021 yilgacha uzaytirib, yuzaga kelishi mumkin bo'lgan ko'ngilsizliklarni oldini olishdi.

9. Kepa Arisabalaga (23 yosh)
Klub: “Atletik”
Millati: ispan
Narxi: 20 mln evro
Kepa “Real”da tibbiy ko'rikdan o'tib, Qirollik klubi bilan shartnoma imzolashga  ham ulgurdi. Darvozabonning amaldagi shartnomasida tovon puli 20 million deb belgilangani sabab, madridliklar “Atletik”ga shu summani to'lab berishi kerak. Demak, unda tez orada transferning amalga oshishini kutamiz!

8. Ugo Loris (31 yosh)
Klub: “Tottenxem”
Millati: francuz
Narxi: 25 mln evro
2017 yilda Loris Franciya terma jamoasida o'yin o'tkazish borasida Bartezni ortda qoldirdi. Loris bolaligida tennis bilan shug'ullangani sabab o'zida to'p u tomon kelayotganini yaxshi payqab olish imkoniyatini shakllantira olgan. SHuning uchun, hali o'smir davridanoq murabbiylar uning chiqishlarini ijobiy baholagan. Biroq, 31 yoshli Loris hali birorta ham sovrinni qo'lga kiritishga muvaffaq bo'lmadi.

7. Manuel Noyer (31 yosh)
Klub: “Bavariya”
Millati: nemis
Narxi: 35 mln evro
Sentyabr oyida Noyer chap oyog'ini sindirib oldi. Bu “Real” bilan bo'lgan o'yinda olingan jarohatning qaytalanishi bo'ldi. Ro'yxatimizdagi eng keksa darvozabon hozirgi Germaniya chempionatida yana ishtirok etadi va Rossiya Jahon CHempionatida ham qatnashishiga ishonchi komil. Lekin u “Bavariya”ning qishki termasiga bormadi.

6. Ederson Moraes (24 yosh)
Klub: “Manchester Siti”
Millati: brazil
Narxi: 35 mln evro
Ederson sentyabr oyida “biroz” xavfli vaziyatni boshidan o'tkazdi. “Manchester Siti” — “Liverpul” o'rtasidagi bahsning 37-daqiqasida raqib jamoa hujumchisi Mane golkiper “otildi”. Natijada forvard 3ta uchrashuvdan chetlashtirildi, Enderson esa keyingi o'yindanoq maydonga tushishiga qaramay, unga yuzidagi “chandiq” Sadio Manedan “esdalik” bo'lib qoldi.

5. Mark-Andre ter SHtegen (25 yosh)
Klub: “Barselona”
Millati: nemis
Narxi: 40 mln evro
SHtegen CHempionlar Ligasi 2017/18 yilgi mavsumning guruh bosqichida muvaffaqiyatli seyvlar bo'yicha (92,86%) eng yuqori ko'rsatkichga ega. Ispaniya chempionatida “Barcelona” o'yinlaridagi farq juda ajoyib — 52-9. Bundan ko'rinib turibdiki, darvozabon o'zi ishini ideal darajada uddalay oldi.

4. Janluiji Donnarumma (18 yosh)
Klub: “Milan”
Millati: italyan
Narxi: 40 mln evro
Bazi futbolchilarning umumiy faoliyatiga qaraganda, 18 yoshli shunqor atrofida janjallar ko'proq uchraydi. U agentini yoki jamoani o'zgartirishi kerak. Aks holda, hatto “Milan” muxlislari ham u tomon “tosh” otishga tushib qoladi.

3. David de Xea (27 yosh)
Klub: “Manchester Yunayted”
Millati: ispan
Narxi: 50 mln evro
Transfermarkt malumotlariga qaraganda, bir vaqtning o'zida 50 million evro maosh bilan birinchi o'rinni 3ta golkiper egallab turibdi. Dekabrda “Arsenal”ga qarshi bo'lib o'tgan o'yindan so'ng, ko'plab hazillar paydo bo'ldi. Go'yoki, de Xea ham “Titanik”ni, ham Jon Kennedini qutqarib qolishi mumkin edi…

2. Tibo Kurtua (25 yosh)
Klub: “CHelsi”
Millati: belgiyalik
Narxi: 50 mln evro
Agar darvozabon jamoaning yarmi bo'lsa, unda tarkibning umumiy narxi 100 million evrodan oshmagan bo'lar edi. Kurtuaning “CHelsi”dagi o'rnini tushunib etish uchun Eden Azarning so'zlarini eslashning o'zi kifoya. Tibo shartnoma muddatini uzaytirgandan so'ng, yarim himoyachi ham xuddi shunday yo'l tutishini takidlab o'tdi.

1. Yan Oblak (25 yosh)
Klub: “Atletiko”
Millati: sloven
Narxi: 50 mln evro
2013/14 yilgi mavsumgacha Kurtua “Atletiko”da o'ynagan. Undan keyin navbat Oblakga keldi. Uning narxi, 2015 yildan beri, 7 milliondan 50 million evrogacha ko'tarildi. 113ta uchrashuvda sloveniyalik “Atletiko”da naqt 44ta golni o'tkazib yubordi! Simionning uslubini o'rgangan posbon uchun bu juda achinarli holat.

Nozima Zaripova tarjima qildi