Doston Hamdamov: “O'zbekistonni eslab qolishlarini istayman”
14 may 2015 18:07
Yangiliklar
![](https://championat.asia/upload/storage/172088_original.jpg)
![](/upload/storage/172088_220.jpg)
Doston Hamdamov: “O'zbekistonni eslab qolishlarini istayman”
Tayyorgarlik haqida
“Jahon CHempionatiga tayyorgarligimiz alo darajada, desam bo'ladi. Hammamiz ushbu Jahon CHempionatini sabrsizlik bilan kutyapmiz. Mundial yaqinlashgani sari hayajon ham mos ravishda ortib bormoqda. Raqiblaimiz o'yinlari yozilgan disklarni tomosha qilyapmiz, o'rganyapmiz. To'g'ri, guruhdagi raqiblarimiz nomdor bo'lishi mumkin, lekin hozir hamma jamoa bilan ham o'ynasa bo'ladi. Faqat to'g'ri taktika tanlanilsa va o'z kuchiga ishonch bilan maydonga tushilsa bas”.
“OCHLda to'plangan xalqaro tajriba, albatta, terma jamoa safida yordam beradi. Men kabi OCHLda o'ynab tajriba to'plagan futbolchilar “Paxtakor” va “Nasaf” jamoasida ham bor”.
“Undan tashqari tarkibda o'smirlar o'rtasidagi Jahon CHempionatida o'ynagan futbolchilar anchagina bor. Bu ham jamoaning o'yiniga ijobiy tasir qiladi”.
Tarkibdagi asosiy yo'qotish to'g'risida
“Afsuski, terma jamoazning etakchi futbolchilaridan Jamshid Boltaboev Yangi Zelandiyaga bora olmaydi. Hozircha bu jamoamizdagi eng katta yo'qotish bo'lib turibdi. Yarim himoya chizig'ida Boltaboev bajaradigan ish hajmi juda katta edi. Himoya va hujum chizig'ini bog'lab turardi. Endi uning o'rnini bildirmaslikka harakat qilamiz. Uning poziciyasida Javohir Siddiqov, Mirjamol Qosimov kabi yaxshi futbolchilar bor. Bir so'z bilan aytgandi, Jamshid uchun ham harakat qilamiz”.
Raqiblar haqida
“Germaniya terma jamoasining nomi jarangli eshitilgani bilan u jamoada ham biz kabi futbolchilar o'ynaydi. To'g'ri, Germaniya U-20 tarkibida bir nechta futbolchi Bundesliganing ko'zga ko'ringan klublarida harakat qilishadi. Lekin bu cho'chitmaydi. Yuqorida aytganimdek, biz o'z kuchimizga ishonib maydonga tushsak, ijobiy natijaga erishamiz.
Gondurasi haqida ham shunday fikrdaman. Fijini ko'pchilik mensimasligi mumkin. Ammo bu to'g'ri emas. Kutilmagan natijalar zamonaviy futbolda tez-tez uchrab turadi.
Vazifa va maqsadlar borasida
Birinchi navbatda mazmunli va munosib ishtirok etishimizni kutyapman. O'zbekiston terma jamoasini eslab qolishlarini istayman. O'ylaymanki, jamoaning har bir azosida shunday istak mavjud. Oldimizda turgan birinchi vazifa – guruhdan chiqib olish. Keyin esa vaziyatga qarab ish tutaveramiz. Bundan avvalgi jahon chempionatlarida o'smir va yoshlar terma jamoalarimiz qayd etgan natijalarni pasaytirmaslikka harakat qilamiz”.
![AMP Logo](https://championat.asia/image/logo-amp.png)
Fikrlar