Dortmundning mashxur nashrlari Husanov "Man Siti"ga o'tib ketayotganidan afsusda

Germaniyaning mashxur nashrlaridan biri Ruhr24 "Borussiya Dortmund" Abduqodir Husanovni qo'ldan chiqargani haqida yozmoqda. Maqolada "Borussiya D"dagi muammolarni berkitishi mumkin bo'lgan himoyachini klub qo'ldan chiqargani tanqid ostiga olingan. Quyida ushbu maqola bilan tanishishingiz mumkin:

"Borussiya" himoyachilari ketma-ket o'yinlarni boy berishmoqda, yorug'lik esa ko'rinmayapti. Himoyani kuchaytirishi mumkin bo'lgan asosiy nomzodlardan biri bo'lsa "Siti"ga ko'chib o'tmoqda – Abduqodir Husanov.

"Dorussiya D" himoyasi har qachongidanda ojizroq ko'rinmoqda. "Bayer"ga qarshi mag'lubiyat qabul qilib olingan o'yinda boshqa poziciyadagi o'yinchilar markaziy himoyachi rolini bajarishga majbur bo'lishdi. Muxlislarning yangi transferga bo'lgan istagi har doimgidanda yuqori. Biroq, endi bir nomzod ismini ro'yxatdan o'chirish kerak.

OAV malumotlariga ko'ra Abduqodir Husanov transferi eng oxirgi nuqtada turibdi. "Lans" klubi 20 yoshli o'zbek uchun 40 mln evro (va bonuslar) oladi. Abduqodir "Siti"  bilan 2029 yilgacha shartnoma imzolaydi. Tibbiy ko'rib ham rejalashtirib qo'yilgan.

"Borussiya D" Husanovni erta transfer qilish imkonini o'tkazib yubordi. "Man Siti" Husanov uchun kurashda nafaqat "Borussiya D", balki "Real", "Bayer", "Tottenxem" va "Nyukasl" klublarini dog'da qoldirdi. "Borussiya Dortmund"ni jig'iga bundan ham battar tegayotgan narsa bor: "Lans" Husanovni 2023 yilning yozida bor-yo'g'i 100 ming evro evaziga sotib olgan. 

"Siti"ning ikki markaziy himoyachisi Jon Stouns va Ruben Dias jarohatda, qolganlar ham jarohatlar bilan kurashishmoqda. SHunday bo'lsa ham dunyoning eng zo'r ligasiga, bo'lib ham dunyoning eng kuchli klublaridan biriga qo'shilish – Abduqodir uchun haqiqiy sinov".