Doniyor Hasanov: “Obod”ga malakali mutaxassisning kelgani ruhan dalda bo'ldi”
26 iyu 2016 15:25
Yangiliklar
![](https://championat.asia/upload/storage/213214_original.jpg)
![](/upload/storage/213214_220.jpg)
Doniyor Hasanov: “Obod”ga malakali mutaxassisning kelgani ruhan dalda bo'ldi”
- Yaratganga shukur, safardagi ilk g'alabani qo'lga kiritdik. O'yindan oldin “Andijon”da bosh murabbiy o'zgarganini yaxshi bilardik. Bizga ham ikki tur avval yangi murabbiy kelgandi. Albatta, “Obod”ga malakali mutaxassisning kelgani ruhan dalda bo'ldi. SHunga qandaydir yigitlarni ruhiy jihatdan kuchaydi deyish mumkin. Kichik hisobda bo'lsada, asosiysi muhim g'alabani qo'lga kiritdik. Ko'rgan bo'lsangiz jamoamizda yana bir nechta qulay vaziyatlar yuzaga kelgandi. Agarda ulardan unumli foydalanganimizda uchrashuv taqdirini oldinroq hal qilishimiz ham mumkin edi. Ammo bizga sovuqqonlik etishmadi. Qolaversa raqib jamoa ham biz kabi ko'pincha vaziyatlardan unumli foydalana olishmadi. Bugun baribir omadimiz keldi. Futbolda omad degan narsa muhim o'rin tutadi. U ko'p yordam beradi. Anchadan buyon kulib boqmayotgan omad bugun biz tomonda bo'ldi.
- “Andijon”da ham huddi “Obod”dagi kabi oxirgi paytlardagi mag'lubiyatlardan keyin bugun ularning ortiga yo'l yo'q edi. Yaxshi jamoa. Asosiysi Yovanovich orqali o'yin tashkil etilmoqda. Havodan unga to'pni etkazib bermoqda va u boshqa jamoadoshlarini pas bilan taminlashga urinmoqda. Bizga o'yin oldidan murabbiy tomonidan bu kabi ko'rsatmalar berilgandi va yaxshi o'rganib chiqqandik.
- Men doim aytaman, har bir o'yinga biz faqat g'alaba uchun maydonga chiqamiz. Raqib qaysi jamoa bo'lishidan qatiy nazar, uch ochko jamg'arish maqsadida o'ynaymiz. Nasib qilsa kelgusi uchrashuvlarda ham kerakli natijani qo'lga kiritib, autsayderlar qatoridan chiqib ketamiz degan umiddaman, - deydi Hasanov.
O’xshash yangiliklar
![AMP Logo](https://championat.asia/image/logo-amp.png)
Fikrlar