"Dinamo"ning 1-davradagi eng yaxshi futbolchisi aniqlandi!
12 iyu 2017 14:40
Yangiliklar
![](https://championat.asia/upload/storage/264016_original.jpg)
![](/upload/storage/264016_220.jpg)
"Dinamo"ning 1-davradagi eng yaxshi futbolchisi aniqlandi!
Ovoz berish yakunlariga ko'ra, Jasur Azimovga 66 ta ovoz berilgan bo'lib, bu jami ovozlarning 24,5 % tashkil qilgan. Ushbu futbolchining muxlislar tanloviga aylanganligi bejizga emas. Jasur birinchi davrada Dinamo safida eng ko'p o'yin o'tkazgan futbolchiga aylangan. Azimov Oliy Ligada 14 o'yinda, 1215 daqiqa davomida to'p surgan. Uning Nasaf va Neftchi jamoalariga qarshi kiritgan ajoyib gollari Dinamoga muhim ochkolarni taqdim etgan. U kerak paytda chap qanot himoyachisi, gohida tayanch yarimhimoyachisi sifatida to'p surdi.
Birinchi davraning eng yaxshi futbolchisi kim? so'rovnomasida Jasur Azimovga Amirjon Safarov raqobatchilik qildi. Dinamo hujumchisi 54 ovoz (20%) bilan ikkinchi o'rinni egalladi. Safarov kubokdagi gollaridan tashqari, Oliy Ligada 4 marta raqib darvozasini ishg'ol etishga erishdi.
Bu safar 3-o'rinda bir yo'la ikki futbolchi joy oldi. Himoyachi Radu Rogak va hujumchi Abdumalik Abdullaevlar bir xil 40 tadan ovoz (14,8%) olishgan.
Muxlislar o'rtasidagi so'rovnomada, shuningdek, Javohir Qahramonov 27 ta (10%), Akmal Bozorov 13 (4,8%), Sardor Sulaymonov 12 (4,4 %), Mirkomil Lokaev 11 (4,1%), Orif Mamajonov, Mixail Naumovlar 4 ta (1,5 %) ovoz olishgan.
Dinamo klubi matbuot xizmati.
O’xshash yangiliklar
![AMP Logo](https://championat.asia/image/logo-amp.png)
Fikrlar