"Dinamo" - "Paxtakor" 0:1. (To'liq sharh)

Uchrashuv oldidan Dinamo jamoasi tarkibida muammolar bor edi. Ijara asosidagi kelishuvga ko'ra, ikki markaziy himoyachilar Ildar Mamatkazin va Akmal Xolmurodovlar jamoaga yordam bera olishmadi. Ularning o'rniga yosh mahalliy futbolchilar to'p surishdi.

SHiddatli va kurashlarga boy o'tgan uchrashuv tengkurashlar ostida boshlangan bo'lsada, 22-daqiqaga kelib burchak to'pidan amalga oshirilgan uzatmani chempionat to'purarlaridan biri Igor Sergeev Dinamo darvozasiga joylab qo'ydi.

Ushbu goldan so'ng jamoalar kurashni to'xtatishmadi va hujumlar oqimi davom etaverdi. Qayd etish joiz, har ikki tomon ham aksariyat hollarda juda asabiy ruhda to'p surib qo'polliklar yuzaga keldi.

Ikkinchi bo'limda ham Dinamo qarshi hujumlarda mehmonlar darvozasini ishg'ol etishga intildi, biroq shu kuni toshkentliklar himoya qo'rg'oni ancha barqaror o'yin namoyish etdi va yagona gol uchrashuv taqdirini hal etdi.

Oliy Liga. 12-tur. 7 iyun (yakshanba)

DINAMO - PAXTAKOR - 0:1

Hakamlar: R.Bobomurodov, R.Samandarov, O.Jumaev, I.Ibrohimov.

Nazoratchi: R.Serazitdinov

Gol: Igor Sergeev, 22.

Dinamo: A.Melnichuk, B.Isroilov, M.Fomin, O.Zokirov, J.Azimov (I.SHaripov, 76), K.SHarofiddinov, M.Murodov, N.CHipev, A.Agaliev, F.Abdusalimov, A.Ibragimov.

Paxtakor: A.Lobanov, A.Merzlyakov, E.Krimec, A.Oraxovac, D.Hoshimov, A.Ismatullaev, V.Kozak, S.Andreev, SH.Karimov, I.Sergeev (J.Masharipov, 85), B.Pardaev (A.Soliev, 57).

Ogohlantirishlar: M.Fomin 20, K.SHarofiddinov 90 - D.Hoshimov 32, A.Oraxovac 88.