"Dinamo": Muxlislar diqqatiga
03 noy 2017 16:59
Yangiliklar

"Dinamo": Muxlislar diqqatiga

Teglar : Dinamo

Dinamo jamoasini har qanday holatda ham yolg'iz qoldirmaydigan samarqandlik futbol muxlislari bu turda Navoiy shahriga safar qilishadi.

Xabaringiz bor, sevimli Dinamo jamoamiz Oliy Liga 27-turi doirasida Navoiyda Qizilqum jamoasi mehmoni bo'ladi. Ushbu uchrashuv Dinamo uchun juda muhim bahs sanaladi. Sababi, O'FF qaroriga ko'ra, Oliy Liganing dastlabki 11 jamoasi 2018 yilda Oliy Ligada ishtirok etish huquqini o'zida saqlaydi. Hozirda turnir javdalida Qizilqum va Dinamo jamoalari 11-12-o'rinlarda yonma-yon borayotgan va ularni bir ochko ajratib turganligini inobatga olsak, Navoiydagi uchrashuv har ikki tomon uchun finaldek o'tishini taxmin qilish mumkin.

SHunday ekan, 4 noyabr, shanba kungi Qizilqum - Dinamo uchrashuvida sevimli jamoamizni Navoiydagi Yoshlar sport majmuasi o'yingohida qo'llab-quvvatlashni istagan Dinamo ishqibozlari bizga hamroh bo'lishlari mumkin.

Samarqandlik futbol muxlislari 4 noyabr, shanba kuni soat 12:00da Dinamo stadioni oldida to'planib, 13:00 da zamonaviy avtobusda Navoiy shahri tomon yo'l olishadi.

Batafsil malumot uchun, Dinamo muxlislari faoli SHavkat Burhonovga (+998 97 920 24 40) murojaat etishingiz mumkin.